郭柏姸魔音獻唱怕累街坊 「老竇」改歌作新曲洗污名

郭柏姸魔音獻唱怕累街坊 「老竇」改歌作新曲洗污名

日本有萬人景仰嘅虛擬女歌手 初音,而今年《歡樂滿東華》就出咗一個令唔少網民都形容為「魔音」嘅 郭柏姸 喇,Rosita因為同 林敏驄 佢哋合唱《下流上車族》主題曲《一家人》,因為唔太穩定嘅歌聲被冠以「魔音」稱號,呢日佢就親自回應,仲承認自己嘅歌聲的確係有魔性呀。

呢次係Rosita第一次喺大型節目唱歌,亦係第一次現場演唱,佢就認為大家留意之餘即係為慈善出嘅力有返少少回報呀。佢仲話係因為節目當晚獻唱之前,食完辣辣壽司令到自己開咗聲,所以令自己嘅「魔力」更加明顯,仲話非常擔心自己帶偏咗一齊合唱嘅其他人,令大家耳朵流產真係唔好意思呀。

而 林敏驄 事後就後製咗一個「終極好聽Balance版」擺上網,幫愛女芊芊洗白返個污名,但係Rosita就決定學唱歌改善擺脫魔道喇。阿驄仲話要作首歌俾佢,連名都叫《魔性大發》,又話要教佢唱歌,佢就話今次係焉知非福喇。

佢仲話嚟緊阿驄嘅演唱會,希望有機會可以上台挑戰一雪前恥咁話呀。

再見‧枕邊人|「浮誇花癡千金」吳嘉儀靠變聲App學唱魔音版《最佳損友》

TVB熱播劇《再見‧枕邊人》,昨晚(14日)劇情講述顧晴天(黃智雯飾)獲楊萬森(馬德鐘飾)指派負責「千里尋恩公」專題,替五年前曾被綁架的何氏集團太子女Kandy Ho(吳嘉儀飾)尋找當年助她脫離險境的救命恩人。Kandy憶述恩公當日駕著超酷電單車並以「公主抱」抱她上車,形容恩公擁韓劇男神「金宇彬」的身高、「水行俠」的健碩身材,說時更不禁花癡上身,興奮到連扮演私人秘書兼管家的楊證樺也連番尷尬喝止:「小姐,儀態!」相當搞笑。

惟因恩公全程穿戴頭盔未能看清其容貌,Kandy僅記得對方曾接過「大佬」電話,獲晴天鎖定為江湖中人,並託金長勝(羅天宇飾)好友天狗(麥秋成飾)幫忙尋人。另一爆笑點是,Kandy哼出恩公當日的電話聆聲,本是尋人關建,可是因Kandy的驚人「魔音」演繹,令事件慘變「超級無敵估歌仔」,晴天等人頭都大埋!

吳嘉儀(阿七)對於是次在《再見‧枕邊人》扮演「浮誇花癡千金」,感到開心又難忘,並感謝監製賞識;談到拍攝難忘事,阿七直言一定是電單車場口:「嗰場回憶戲喺我角度suppose係勁浪漫,好似韓劇咁,但喺『恩公』版本,我變咗一個阻頭阻勢成頭泥嘅女人!今次拍攝係超開心,直情好似一邊睇緊浪漫韓劇,一邊睇緊搞笑港產片咁。」她憶述該場戲份在鹿頸和新娘潭的彎路取景,笑言回看playback驚見自己狂食風的狼狽樣很好笑。

自認唱歌「五音齊全」的阿七,笑言最難演繹「郭柏妍式魔音」,因此需要靠變聲app學唱走音歌:「我先用奇怪變聲app唱一次《最佳損友》個副歌,然後聽完再扮番出嚟,大家喺現場都笑得好開心!」阿七還透露揣摩角色時,參照了楊詩敏(蝦頭)在電影《潮性辦公室》的演出。

 相關推薦

熱門搜尋