GIgi Chantel以女團After Class再角逐新人獎 陳柏宇預告明年再開演唱會

又到年底各大歌手收成績表嘅時間，呢日炎明熹、姚焯菲、鍾柔美、詹天文、許廷鏗、鄭欣宜、泳兒、JW班灝兒、陳柏宇、馮允謙等一眾歌手出席電店頒獎禮記招，引嚟大批fans到場支持。

Gigi同Chantel雖然上年已經角逐過新人獎，不過今年佢哋以女團After Class再次角逐，Gigi記話知感覺既特別又新奇，而Chantel就話上年得自己一個，今年可以同三位姐妹一齊出席佢就話好開心。以個人同團隊名義各自角逐新人獎嘅Yumi，就話覺得好榮幸，仲話冇諗過自己會有呢個成績，佢又承諾會繼續努力，至於Windy就話覺得到時自己會好緊張呀。而JW就話好開心可以喺記者會上見返晒啲朋友，同埋可以着靚靚咁出席，所以反而獎項嘅問題記你其次呀。

月底開騷嘅許廷鏗，有唔少fans都投訴話買唔到飛而希望佢再加場，許廷鏗呢日都話自己有呢個打算，仲話研究緊加日場嘅可能性，佢仲叫fans去佢嘅社交平台度留言，話佢知大家係咪想佢加場。

早前有傳陳柏宇會喺明年2月再開騷，呢日佢就承認開騷傳聞，但係詳情內容要稍後再公佈，暫時只可以講呢個騷會係一個全新嘅演唱會呀。

Joyce同Jay Fung今年個氣勢概當強勁，問到佢哋有冇信心攞獎？Joyce就話自己係想攞獎嘅，至於有冇信心呢件事，佢就乘機tag返自己嚟緊嘅演唱會，話會Believe US呀。而Jay Fung就話雖然會以平常心面對，但係講到底佢都希望可以攞到獎報答公司同事嘅付出。

Mike曾比特亦都話以平常心去面對獎項事情，佢又話自己最在意嘅係，因為自己去咗內地工作一段時間，所以好期待可以喺頒發禮見返啲歌手朋友呀。而入圍新人獎嘅Zeno顧定軒，佢就話可以入圍已經好開心，所以唔會去諗有冇獎攞嘅事。