吳若希周日開騷言論惹火? 親解被改名「吳知死」之謎

吳若希周日開騷言論惹火? 親解被改名「吳知死」之謎

11號就會舉行個人音樂會嘅 吳若希 ,近日一直忙住宣傳接受唔同訪問,不過部份訪問嘅內容就被指係「數臭」公司喇。一向言論直接嘅Jinny,事後就又要澄清當中嘅意思喇。一句說話當中嘅意思,高音定低音,問號定感嘆已經差之毫釐,而Jinny就話「倒貼」亦都千真萬確,不過就係因為求效果更好而自資付出嘅意思喇。

因為唔修飾又被快過閃電嘅傳媒報道,Jinny當然有受到高層嘅電話了解啦,仲叫佢改名做「吳知死」 ,仲叫大家要了解埋前文後理就會明白佢完全嘅意思喇。

仲有幾日開騷,近日密密綵排嘅佢,收到門票幾乎全部售罄嘅消息就最開心啦,而Jinny亦都率先爆呢次當係「告別演唱會」嘅表演一定會出盡全力為大家演出呀。

吳若希失手機追蹤發現位置 苦無方法取回老公贈新機安慰

近年智能手機成為生活必需品,生活大小事冇咗佢的確會非常不便,而日前 吳若希 就公開指自己遺失手機,事後以追蹤功能發現手機出現於將軍澳一個屋苑,令佢非常無奈。呢日佢開工時亦再指重提事發當日嘅過程。

Jinny落車往提款後再上車後就發現手機遺失,而最令佢嬲嘅係追蹤功能發現手機同自己相隔其實並唔遠,可惜未有方法可以同佢團聚呀。Jinny仲話持有電話嘅朋友不時熄機又開機,令自己更為激氣,又公開手機殼特徵,但係坦認搵返機會非常細,仲話老公已經應承會送返部新款比自己咁話。

 相關推薦

熱門搜尋