輕.功|龔慈恩帶隊宣傳新劇 離世戲催淚搞喊人

輕.功|龔慈恩帶隊宣傳新劇 離世戲催淚搞喊人

台慶劇《輕.功》已經播出,呢日一班劇中演員齊齊現身為新劇宣傳,除咗有 鄭俊弘 獻唱主題曲之外,日前一集 龔慈恩 喺 黎耀祥 懷中離世,更加令到唔少觀眾睇到非常感觸,當中亦都包括佢哋喺劇中嘅大女 蔣祖曼 呀。

呢日Joman就話自己開廠期間都要抽時間睇返呢一場戲,仲話睇到眼濕濕咁呀。而龔姐就話自己依然會再喺劇集出現,但係就以另一形式現身,仲話同樣大量洋蔥一樣咁令人催淚呀。

細佬 朱敏瀚 同 朱晨麗 喺新劇第一日開工就肉帛相見,Morning回想當日見到朱仔嘅一身幹練肌肉,就笑到停唔到喇,第一次正式合作嘅佢哋仲因為朱仔要忍口而引起咗啲誤會呀。

新任Daddy阿Fred呢日就講到,自己不時都會對住半歲大嘅囝囝練歌,仲話Asher似乎對音樂非常有興趣,唔知係咪遺傳咗父母嘅音樂細胞呢?

星光路上|鄭俊弘暑假躺平被母藐變入行 初出茅廬演戲狂食貓麵撈家貼心指教

參加歌唱比賽入行嘅 鄭俊弘 ,當年一個暑假返港嘅朗懶下午,估唔到因而媽咪嘅睇唔過眼,而令一向鍾情歌唱,同時又熱愛中國功夫嘅佢報名《全球華人新秀歌唱大賽》而入行,其後又修讀訓練班進而參與唔同演出。

初畢業實習如入大觀園,對演出就無甚概念,日日食「貓麵」都屬平常事,越驚越錯、越錯又越驚,慢慢由錯誤中學習成長,當中亦有唔少前輩嘅無私指教,《與諜同謀》嘅合作就私下袋唔少落袋,而撈家亦解釋係因為劇集嘅父子情而不時戲外相約佢傾談見面。

最近拍出嘅《再見.枕邊人》略帶古惑嘅Fred,拍攝時亦刻意將浮誇嘅奸詐一面表達出嚟。

近年結婚再成為人父,Fred亦成熟唔少,仲有意思再追一胎,希望下年就會成事再做Daddy呀。

 相關推薦

熱門搜尋