仔仔一堂丨Juzco不滿主理人「造謠」連環爆Seed 王賢誌反擊:唔使咁大聲!

仔仔一堂丨Juzco不滿主理人「造謠」連環爆Seed  王賢誌反擊:唔使咁大聲!

由王賢誌(Vinci)監製及主持嘅 J2 綜藝真人騷節目《仔仔一堂》,以「絕不歧視愛情」為中心思想嘅《仔仔一堂》,找來十名外型、學歷及事業等條件不俗嘅仔仔參與拍攝,本周節目重點圍繞重頭戲—為期三日嘅船P。


呢個船P嘅主要目的,係幫Vinci慶生。
Vinci仲同Carson大玩合巹交杯。

10位仔仔為「主理人」Vinic慶祝生日,更喺船上大玩搞笑遊戲及作出真情剖白,而大懲罰環節中嘅「長命滑梯」更係觸目驚心,玩到仔仔們咿嘩鬼叫,內容感動過癮,談到最大亮點,絕對係一眾仔仔嘅強勁胸肌及腹肌。


Ray就剪咗條片賀阿Vinci,佢笑言原因係因為「窮」,好抵死!Juzco帶埋可愛狗狗向Vinci賀壽。
十位之中,以游水教練Kevin及花美男Carson身形最完美,前者腹肌線條顯眼,後者本身坐擁超強身高,倒三角完美體態亦令人艷羨,至於「人氣王」Louis雖然身形不及Kevin同Carson,據知其拍擋Juzco引述,Louis擁有八格腹肌,認真屈機,眾人之中身形公認最差就係Ray,佢自嘲身形排包尾相當搞笑。

Vinci同Juzco成個過程都搞笑又好玩。整個過程感受到Vinci同Juzco好啱嘴形同玩得。「矇眼搵拍檔」環節,仔仔要分組尋覓自己嘅拍檔。

噚晚播出嗰集船P兩大遊戲非常有趣,先係「矇眼搵拍檔」環節,分組嘅仔仔分別憑藉摸耳仔、鎖骨、手臂、腹肌及小腿去尋覓自己嘅拍檔,結果只有摸小腿嘅Kevin及Howard「任務失敗」,接受㵦滑梯大懲罰,Howard玩到臉容扭曲,令人捧腹;輪到第二個遊戲則主要測試仔仔們嘅合拍指數,最終Ray與Juzco「神同步」成功過三關,惹來一地花生。


Vinci全程喺側邊緊貼食花生。Juzco摸腹肌摸到紅都臉晒。摸小腿失敗嘅Kevin同Howard,當然要接受大懲罰。
Ray與Juzco絕對係第六及第七集焦點所在,肇事者就係Vinci,事緣上星期Juzco遭Vinci踢爆與Ray私下約會,頓時惹來遍地花生,「JR」不斷成為眾人取笑對象;Juzco大感氣結,先後向Vinci「咆哮」,其中一幕精彩「罵戰」係Juzco被取笑與Ray撞樣,Juzco不甘一再被擺上枱,忽然向Vinci投訴:「最衰都係你,造謠又係你!」Vinci聞言淡定反擊:「唔使咁大聲!我只係講出大家唔敢講嘅嘢啫。」


Juzco同Ray嘅「神同步」,惹來全場嘩然。
之後Vinci主持遊戲期間,竟然一度忘記Juzco名字,令Juzco大感無奈,Vinci搞笑地死撐:「好亂呀,你知你同Ray越嚟越似樣吖嘛。」Juzco聞言即氣結升級並反擊:「咩主理人嚟?!」場面頗為搞笑。


Vinci一度興奮到跣咗落地。
由於Juzco睇得、Talk得又玩得,節目開播後贏得不少支持,本身坐擁逾10萬IG Followers,更被譽為節目「氣氛」MVP。Juzco除咗性格可愛,本身亦係愛心爆棚,無論係直播期間或節目中,經常睇到佢同寵物甜蜜互動!


Louis同Andrew因為太受歡迎,所以加碼特登叫佢哋一齊玩番一Round。
《仔仔一堂》參加者包括「型男混合體」Andrew、「187 花美男」 Carson、「可愛兜風耳」HoHo、「陽光男孩」Juzco、「嫰版王浩信」Louis、「Young 版尊龍」 Ray、「純愛莫少聰」Nelbon、「害羞台男」Kevin、「型男主廚」Kenny 及「柔情版香取慎吾」Howard。 

《仔仔一堂》逢周一至五晚 10 點半 J2 (82) 台播映

《愛.回家》譚道德嫁女!陳榮峻收親家聘書超開心 女兒移居新西蘭任護士

陳榮峻憑TVB處境劇《愛.回家之開心速遞》飾演「譚道德」成功入屋,陳榮峻噚日喺IG貼出一張疑似係親家提親嘅聘書,公佈愛女即將結婚呢個喜訊。

陳榮峻兒子頴聰貼出家庭合照。
陳榮峻今日喺IG貼出嫁女相。

聘書見親家大讚陳榮峻女兒頴儀(Jessica),陳榮峻收到親家嘅誠意,表示超開心,感覺女家備受尊重,估唔到今時今日仲有傳統禮儀!
陳榮峻噚日喺IG貼出一張疑似係親家提親嘅聘書。

陳榮峻今日喺IG貼出嫁女相,原來愛女於奧克蘭嘅St. Patrick's Cathedral舉行神聖婚禮,呢間大教堂係奧克蘭市天主教堂,以哥德復興式建築,建立於1841年為奧克蘭最迷人嘅建築之一。

陳榮峻帶愛女進場,佢笑問:「嗰造型似唔似新郎哥。」陳榮峻與吳香倫於2015年拍拖,2018年結婚,陳榮峻仔女亦接受吳香倫呢位繼母。

陳榮峻早年與圈外妻子鄭安麗結婚,育有兩子一女。鄭安麗於2010年因腦溢血離世,陳榮峻難走出喪妻之痛曾欲輕生,幸有好友開解走出陰霾,陳榮峻與吳香倫於2015年拍拖,2018年結婚在四代同堂見證下再為人夫,仔女亦接受吳香倫呢位繼母,陳榮峻曾透露阿女中學時已前往新西蘭留學,目前喺當地任職護士。 
陳榮峻曾透露阿女中學時已前往新西蘭留學,目前喺當地任職護士。

 相關推薦

熱門搜尋