嚟緊星期日（9日）晚播出最新一集《中年好聲音》，多位年長參加者將出戰，70歲吳大強、68歲戚愛蓉、60歲傅劍華及65歲馮文等，足證追夢冇年齡界限，爭取50強餘下嘅26個席位。

100強參賽者中年紀最大嘅吳大強，打頭陣出場，獻唱英文歌《Unchained Melody》大晒震音同高音，表現亮眼，呢日「朱凌凌」吳偉豪亦現身為爸爸打氣，吳偉豪坦言本身唔知有呢個節目，後來從新聞得知已選出100強時，佢頓時感到內疚：「我知道Daddy好鍾意唱歌，嗰晚我返到屋企覺得有啲嘢對爸爸唔住，點知Daddy話『你放心啦，我報咗名』，我話吓！」吳大強希望透過參賽鼓勵兒子接受挑戰，自強不息，面對困難永不言退。
68歲戚愛蓉呢位退休靚太，讀過第3期藝員訓練班，跟周潤發及盧海鵬等係同期同學，佢今次抱住輕鬆心態參賽，戚愛蓉目前係藝進同學會秘書，藝訓班同學都支持及鼓勵佢參賽，戚愛蓉覺得《中年好聲音》對手好強，佢會盡力迎戰。

65歲企業家馮文自６年前遇到高人指點學唱歌，對方認定佢擁有一把好聲音，所以佢對唱歌有濃厚興趣，希望前來參賽試一試自己嘅實力，而傅劍華幾個前開咗「登陸」演唱會，似請一班親朋戚友開派對，當時有排練過，不過傅劍華覺得參加呢個比賽好緊張。
陳欣健女兒陳早怡參賽希望同眾人公平比拚，陳早怡事業有成，原來佢一直心結就係自己患有專注力不足及過度活躍症，要專注做一件事比一般人花幾倍精力，令佢人生路上覺得自己冇咩成就感，佢想透露今次參賽鼓勵同樣有呢個病嘅朋友，事前陳早怡唔想爸爸知道自己參賽，選擇喺最後一刻先同爸爸及家姐陳早茵講。

陳早怡以特別方式練習迎戰：「初時參賽好驚，本身知道自己唱得唔係超級好，我試吓用自己方法，專注力不足係畀咗好貴去上音樂堂，但係老師好認真同我講嘢，我望住佢到而家40幾歲，我都係唔知佢講咩，我用自己方法學，上YouTube睇咗超過100條片，用自己步速同需要去學習，改善自己唱歌。」

#中年好聲音 #吳大強 #吳偉豪 #戚愛蓉 #傅劍華 #馮文 #陳早怡 #陳欣健

歌唱真人騷《中年好聲音2》，最新一集最亮眼的歌手肯定是安雅希，事關她以「哥哥」張國榮一首經典金曲《今生今世》，深情演繹打動評審，破紀錄獲93分！兼獲頒本回合的MVP。

雅希接受「東張」訪問，分享獲得超高分確實意外，加上是為了爸爸獻唱，真情流露再次令她感觸得眼濕濕！貼心的雅希，更應主持要求，再次清唱一次《今生今世》。