法證先鋒V丨蔡潔險被生劏獲封慘情女主角 鄭俊弘讚王敏奕糖妹喊戲催淚

法證先鋒V丨蔡潔險被生劏獲封慘情女主角 鄭俊弘讚王敏奕糖妹喊戲催淚

TVB台慶劇《法證先鋒V》劇情越來越耐人尋味,王敏奕、洪永城、蔡潔及鄭俊弘等呢日現身宣傳活動,同觀眾預告劇情發展,大玩遊戲搞氣氛,日前播出蔡潔險被生劏嗰場,成為網上熱話,更即場被眾演員票選為慘情女主角。

蔡潔趁機多謝監製、導演將角色寫得好好,同時感謝好拍檔洪永城幫佢入戲,洪永城祝佢喺頒獎禮順利進入最後5強,洪永城踏入39歲,今年生日正日被老婆梁諾妍(Inez)撇甩,洪永城與女兒洪寶寶(Amber)一齊度過,老婆Inez亦有請番洪永城食意大利菜補數,洪永城回想上年生日剛巧拍《法證V》,蔡潔當時與工作人員拎生日蛋糕出嚟。

王敏奕笑指跟黃宗澤(Bosco)嘅感情線拖到最後,希望大家拭目以待,王敏奕表示自己劇中嘅感情線比較從一而終,冇蔡潔咁有艷福,而鄭俊弘讚王敏奕同糖妹演「夢游殺人案」單元,好姊妹悲傷痛哭嗰幕演得好自然。此外,黃庭鋒以新仔加入法證部,被視係參演過各輯《法證》嘅「元老」鄭俊弘接班人。

星光路上|鄭俊弘暑假躺平被母藐變入行 初出茅廬演戲狂食貓麵撈家貼心指教

參加歌唱比賽入行嘅 鄭俊弘 ,當年一個暑假返港嘅朗懶下午,估唔到因而媽咪嘅睇唔過眼,而令一向鍾情歌唱,同時又熱愛中國功夫嘅佢報名《全球華人新秀歌唱大賽》而入行,其後又修讀訓練班進而參與唔同演出。

初畢業實習如入大觀園,對演出就無甚概念,日日食「貓麵」都屬平常事,越驚越錯、越錯又越驚,慢慢由錯誤中學習成長,當中亦有唔少前輩嘅無私指教,《與諜同謀》嘅合作就私下袋唔少落袋,而撈家亦解釋係因為劇集嘅父子情而不時戲外相約佢傾談見面。

最近拍出嘅《再見.枕邊人》略帶古惑嘅Fred,拍攝時亦刻意將浮誇嘅奸詐一面表達出嚟。

近年結婚再成為人父,Fred亦成熟唔少,仲有意思再追一胎,希望下年就會成事再做Daddy呀。

 相關推薦

熱門搜尋