After Class嘅成員 Gigi炎明熹 Yumi鍾柔美 Chantel姚焯菲 同 Windy詹天文 ，呢日現身一個電台頒獎禮拉票活動，為今年競逐新人獎現身拉票，Yumi今年亦會以個人身份參與，Gigi同Chantel就以舊年嘅經驗向Yumi打氣喇。

至於Yumi本人就話今年有After Class幾位成員陪住自己，相信會比較安心啲喇。而Gigi人氣高企，仲成為2022年一個網站人氣搜尋嘅第3位，呢日佢就話非常驚訝自己會入圍，仲話大家喺網上搵自己呢件事覺得好神奇呀。

而曾經擔任「聲夢」導師嘅 泳兒 呢日就以打氣嘉賓身份出席，佢仲話好似睇住After Class成員長大，仲回憶起自己嘅新人時代呀。而 黎展峯 黃明德 同 洪助昇 今年將會同門內訌一齊競爭新人獎，佢哋就話其實大家都會互相教勁喇。

慈善籌款節目《萬眾同心公益金》6月3號晚圓滿結束，多位嘉賓為慈善落力表演，好似 炎明熹 《中年好聲音》嘅 周吉佩 李佳 龍婷 羅啟豪 顏志恒 吳大強 等，加埋 陳美齡 譚嘉儀 曾比特 朱主愛 余宗遙 鍾柔美 ，而近年甚少公開演出嘅 張德蘭 呢日亦罕有登台為慈善出力，仲話非常留意《聲夢》同《好聲音》參賽者嘅演出呀。

呢日唔少參與歌手都把握機會同佢合照，當中梗係唔少得Gigi啦，而Gigi仲大爆平時極少同藝人合照嘅姑丈，呢日都公開要求集郵，Gigi仲笑返怕醜姑丈轉頭呀。

Yumi好快就會踏入中學最後一年，近日正埋首溫習考試嘅佢，就話已經開始對來年嘅DSE感到緊張，仲話會好好安排時間準備，不過大家亦唔使擔心，因為佢同Gigi都好快會有新歌推出喇。

早前往美國登台開騷嘅 許志安 呢日都係表演嘉賓之一，佢亦現場獻唱新歌，受訪時亦提到重訪一廠見到現場觀眾令自己憶起當年，又指即將會喺新加坡開騷，亦正籌備香港嘅表演，不過估計就要出年先可以成事喇。

《中年好聲音》嘅幾位成員呢晚由過去嘅觀眾變成表演者，佢哋都覺得非常開心，仲話感覺非常有趣呀。羅啟豪呢晚就再同媽咪同台演出，不過羅媽媽就話非常緊張喇。龍婷同李佳呢晚亦大展歌喉，不過去到後台就變成小Fans同各位前輩見面合照喇。

新時代歌手阿Mike亦都同朱主愛仲有余宗遙合作，仲爆不時狂Loop朱主愛嘅網絡神曲咁話呀。