白日青春｜秋生新片終嘗金馬滋味 金像冇信心爆台灣同行女身份

過往多次提名台灣金馬獎但係都未能成功一舉封帝嘅 黃秋生 ，今屆終於憑《白日青春》嘅的士司機角色，成功擊退一眾強敵榮登金馬影帝寶座。而導演 劉國瑞 亦同時得到最佳新導演同最佳原著劇本兩個獎，認真威水呀。

呢日秋生同導演就一齊接受訪問，已經3度成為金像獎影帝嘅秋生，對今屆自己有冇機會再衝擊帝位，就似乎對自己冇乜信心，仲話「人哋贏硬」喎。而導演同時亦都非常謙虛，認為金像獎競爭會非常激烈呀。

導演呢日又分享同秋生第一之見面討論劇本嘅過程，仲大讚秋生過程非常穿專業呀。秋生早前喺台灣時，被儀媒「發現」佢同一位女士非常親密，事後佢就解密指對方係新化妝師兼助手喇，呢日秋生就話已經非常習慣傳媒報道方式，仲話估計新同事需要時間適應自己嘅工作方式呀。