《毒舌大狀》年卅晚上畫賀歲 子華神不爛之舌為民請命

雖然仲有10日先係聖誕，不過隨住今年香港電影「戲」勢如虹，兔年賀歲電影就已經開始宣傳戰喇。由 黃子華  謝君豪 王丹妮 廖子妤 王敏德 等主演， 林保怡 谷德昭 特別演出嘅《毒舌大狀》，將會掀起一場令觀眾驚喜萬分嘅法庭攻防戰。

子華對抗上流權貴，為血肉基層吐一口冤氣，據理力爭，今日齊集11位演員嘅最新海報同最新預告亦都同時公開，新片除香港外，將會喺英國、美國、澳洲同東南亞同步上映。

雖然係賀彥電影，不過新片有別於子華過往舊作，今次子華繼續以一針見血貼地金句、毒舌寸嘴嘅認真法庭大戰劇情片同大家見面，角色林涼水「不求世人景仰，但求不被天收」，谷德昭力勸林涼水跟大老闆學炒樓炒股有益身心，但係林涼水就不忍埋沒良心，縱容「天無眼」事情發生。