StarTalk丨炎明熹一年歷練內向變主動 《好想約你》轉唱腔唱出新甜度

Gigi炎明熹唔經唔覺出道已經一年、除咗去內地參與節目令佢功大突飛猛進之外，亦都先後推出咗幾首唔同風格嘅歌曲，嚟到2022年底，一首本來得幾句嘅廣告歌曲，喺歌迷熱烈敲碗之下，終於推出咗完整版。

《好想約你》喺大家日夜追問之下， 伍仲衡 正式製作嘅完整版，令17歲嘅Gigi覺得既好似童話咁夢幻又充滿甜甜嘅人情味，Gigi仲話自己以「綿花糖」咁嘅唱腔去表達新歌嘅感覺。

要甜到漏嘅感覺，同Gigi一樣鍾意食嘢嘅Harry就準備咗大量美食喺錄音室，全場美食就令Gigi錄音事半功倍喇。

由一個普通學生短短一年時間經歷成為歌手，再成為全國知名嘅偶像，Gigi話雖然慢慢習慣呢種生活，但係有時仍然覺得自己仍然未足夠，缺乏自信嘅佢仲話心中經常天人交戰，不過經過一年歷練之後，自己已經由慢熱內向變得更為主動喇。

呢集《StarTalk》，有 許文軒 同來自火星嘅慢熱Gigi一齊分享一年來嘅成長經過，Edmond仲準備咗個小遊戲，要考吓經過一年訓練嘅Gigi，而家執生嘅反廳能力有幾叻呢。唔怕咪冇電、亦都唔怕小強突然出現，Gigi最怕唱歌遇到咩情況，就要留意Gigi自己嘅解說喇。

明年就踏入成年，Gigi亦都希望舉辦大型Party慶祝，同支持自己嘅歌迷，仲有一直照顧自己嘅姑丈姑媽一齊度過，更希望往後以自己最大嘅熱情同能量繼續為大家表演呀。