輕.功丨鄭子誠醉酒爆seed戲成焦點 朱晨麗like爆朱敏瀚裸模場面

輕.功丨鄭子誠醉酒爆seed戲成焦點 朱晨麗like爆朱敏瀚裸模場面

探討親情、人生哲理嘅劇集《輕.功》,14號晚播出嘅一集完全係飾演李世舫嘅鄭子誠solo作,劇中佢喺飲醉酒後盡吐不快,先係「教育」一下世侄女翊嵐唔可以鬧父母,之後再狠狠咁又鬧自己個女同老婆。
子誠呢場醉酒爆seed戲勁好睇。
由於呢場Solo醉酒鬧人戲差唔多有成兩分鐘,加上係單機拍攝,所以功力深厚嘅子誠都話被考起:「因為單機拍攝關係,一個場口要分開好多次拍,有啲要影住正面大頭,有啲又要轉返做 wide shot,即係每個鏡頭都要 keep 住一樣嘅醉酒程度同情緒,真係唔太容易。」

對於《輕.功》所探討嘅話題,子誠話收到劇本嗰陣已經好感動好有共鳴,仲令佢忍嗰住係咁追看落去,子誠又話呢有返咁上下人生閱歷嘅觀眾,睇呢套劇嘅時候應該會有好大嘅感受,佢話:「正正我就係呢個年紀嘅人,有啲劇情會令我會心微笑,有啲就令我覺得點解講得咁中,所以演嗰時都好投入到角色,好似做返自己經歷過嘅事咁。」

朱仔喺劇中為咗賺錢養女友而去做裸體模特兒。朱晨麗喺劇中見到初戀男友做裸模,即笑晒畀like。
呢集另一大焦點當然就係「顏值擔當」嘅朱敏瀚做裸體模特兒啦!劇情講佢為咗努力搵錢養女友而去做裸模,仲睇到大家心心眼,連朱晨麗都畀晒like呀。拍攝當日朱仔都剝得相當徹底,佢話:「嗰場戲除咗着咗一條底褲,外面再加咗條肉色底褲,因為近呢幾年都習慣咗拍除衫戲,所以都冇話尷唔尷尬。」朱仔又話拍呢場戲嘅時候正值係疫情最嚴重嗰時,由於所有健身室都閂晒,朱仔只可以喺屋企用僅餘嘅器材去操,佢話個身形雖然離佢滿意都仲有啲距離,但係For個角色就都算見得吓人呀。

《輕.功》逢星期一至五 21:30 翡翠台

張家輝執導《贖夢》烏甸尼電影節參賽 喜獲國際認可坦認壓力大

由 張家輝 執導同主演;香港電影發展基金 與及 創意香港支持拍攝, 劉俊謙 陳法拉 領銜主演,加上 袁富華 朱晨麗 李凱賢 同 袁綺雯 助陣、 許恩怡  特別演出嘅心理驚慄新片《贖夢》,入圍第26屆意大利 烏甸尼遠東電影節 (Far East Film Festival) 競賽單元,更會於當地舉行全球首映禮。

張家輝執導嘅《贖夢》將參與烏甸尼遠東電影節嘅競賽單元

雖然家輝曾憑過往演出過嘅作品,同執導影片《陀地驅魔人》參展,今次再以導演身份赴意大利參與競賽,家輝就坦言壓力唔細:「今次如果演員身分出席會輕鬆一點,但導演責任比較大,仲需要承擔結果嘅成敗。」

自導自演嘅家輝指,今次除咗開心之外仲有唔少壓力

《贖夢》係繼《陀地驅魔人》後,家輝再有作品參展烏甸尼遠東電影節競賽單元,難掩興奮嘅佢話:「呢個係對《贖夢》嘅尊重同鼓勵,呢部戲仲未上映便就獲得認同,內心非常高興。」

提到新片《贖夢》呢部新片題材,而家輝就指不論任何類型、國籍、性格嘅人都避唔開「夢」呢個元素,無人會完全唔發夢,發夢就如呼吸一樣,人人都需要。《贖夢》以夢境表達兩段悲劇,從而帶出因果報應以及警世作用,家輝仲話:「我最希望觀眾行出戲院時會唔會暗地回想起自己嘅夢、會不會有好多不可告人嘅秘密、唔可以同人分享內心世界,呢個就係我拍呢部戲嘅原意。」

新片有 陳法拉、劉俊謙、朱晨麗等參與演出

家輝指夢境可以帶出自己憂慮,又同時展示出個人壓力。佢又話自己唔係一個經常發夢嘅人,但對夢景抱住一個敬畏嘅心,有時仲覺得夢係自己嘅一個朋友,提醒自己好多事:「今次以夢嚟包裝拍《贖夢》相當開心,但要喺《贖夢》中好全面咁拍出我所認知對夢嘅感受以及環境,其實都未夠空間展示出嚟,如果大家喜歡嘅話,希望有機會再盡情為大家展示。」

家輝指希望繼續有機會同大家展示佢心中嘅夢境故事

 相關推薦

熱門搜尋