王菀之離開寰亞轉做獨立歌手 明年5月與香港管弦樂團合作開騷

IVANA王菀之前日喺IG拍片宣佈明年音樂大計，目前籌備當中，佢將於明年5月一連兩星期做兩個不同種類音樂會，第一個計劃就係同香港管弦樂團於明年5月12及13號，舉行三場藝術音樂演出，接著另一個星期則轉移到另一場地，進行不同音樂嘅演出，今日報道更指王菀之承認離開合作14年嘅寰亞娛樂，轉做獨立歌手。

最近有傳王菀之已經離開合作14年嘅寰亞娛樂，轉做獨立歌手發展，更指其維基百科資料嘅唱片公司一欄，顯示王菀之去年離開寰亞唱片，王菀之已轉到「木火娛樂有限公司」（About Now Entertainment Limited），經理人公司則顯示為其名下「Ivana Music Limited」。今日有報道向王菀之求證此事，王菀之承認離開寰亞唱片，彼此喺和平友好關係下分開，佢亦感激舊公司林老闆，跟舊公司同事仍然係朋友，暫時佢未考慮簽任何公司。