胡定欣姚子羚對獎項抱平安心 All In投好兄弟陳山聰

新年特備節目《新春開運王》呢集請嚟胡定欣同姚子羚做嘉賓，見到李丞責師傅當然要把握好機會問下來年運程啦！子羚就話丞丞師傅就顏色同埋食物方面幫佢哋做預測，結果子羚嘅事業同愛情運都係同樣要向北方發展，仲話佢好快就要再去北方工作。定欣聽完即刻話好唔捨得呢位好姐妹，但同時又好戥對方開心，希望一切可以承師傅貴言。而講到自己嘅事業運，定欣就言丞丞師傅幫佢睇完都讚唔錯。

佢哋同胡杏兒、黃智雯、李施嬅、胡蓓蔚組成嘅「胡說八道會」向來感情好好，問到會唔會趁年尾再聚一聚？子羚話可能要到農曆新年先會齊人再眾，因為屆時佢哋會組團去陳山聰屋企拜年，定欣就話而家要趁仲𢭃得就要𢭃。

講到佢哋各自入圍「萬千星輝頒發禮」最後十強，子羚同定欣都話抱平常心，子羚話自己好開心今年可以拍到《鐵拳英雄》呢套劇，但就會將手上嘅票投晒畀好兄弟陳山聰，希望佢今年可以有好成績呀。

而同樣今年成績票俗兄蔡國威，雖然未能入圍飛躍進步男藝員，但佢就話睇好黃建東、吳偉豪同林景程，仲讚佢三位今年兄表現都相當出色呀！