諸葛紫岐有意結束蝕錢生意 汪圓圓蔡加讚聖誕赴澳洲及紐西蘭旅行

霍啟剛、郭晶晶、蔡加讚、汪圓圓、薛嘉麟及諸葛紫岐等一眾名人呢晚現身演藝學院籌款，諸葛紫岐久未出席公開活動，呢排寫毛筆字、畫水彩畫及行山打發時間，佢坦言之前生意已經停咗，打算結業唔再做蝕錢生意，希望來年有新發展。

諸葛紫岐笑指目前有一半香港人去日本旅行：「我啲朋友都過去，一係去北海道，或者喺東京，我都會成家出發日本，小朋友有問幾時可以出去。」而汪圓圓與蔡加讚則忙於照顧三個小朋友，更大談育兒經，佢同老公結婚9年依然恩愛如昔，嚟緊聖誕節佢哋一家準備出發去澳洲同紐西蘭旅行。