中年好聲音丨呂方擔任評審對吳大強印象深刻 肥媽提點選歌量力而為

中年好聲音丨呂方擔任評審對吳大強印象深刻 肥媽提點選歌量力而為

《中年好聲音》50強誕生,將展開1 VS 1對戰賽,有一半選手即場被淘汰,呢輪比賽請到呂方擔任嘉賓評審,同Maria Cordero(肥媽)、張佳添、伍仲衡及周國豐一齊決定參加者會否晉級,呂方大讚參加者有水準,對年紀最大嘅吳大強唱《Oh, Pretty Woman》印象深刻,又欣賞吳大強唱嘅震音好有味道。

呂方明年入行40周年準備開紅館騷,與歌迷慶祝呢個特別日子,留下一個美好嘅回比憶,呢幾年呂方嘅工作減產,主力陪伴愛女,佢爆2歲愛女遺傳到音樂細胞:「佢聞歌起舞,跟住節奏郁郁吓,好得意!又冇教過佢,可以天生鍾意,佢睇到電視有人唱歌,佢又會郁吓,好神奇,可能真係有遺傳。

新一輪晉級戰上演一對一即時淘汰制,各人策略好唔同,有歌唱經驗嘅塗家堯選擇對戰編劇蔡祖輝,兩人選歌風格不同,梁浩銓則對戰有選秀經驗嘅梁家賢,佢哋咁啱都揀陳奕迅歌曲出戰,一剛一柔;唱功唔錯嘅李珈霖選擇對戰當年《超級巨聲3》第5名嘅劉智衛,兩人實力相當,對抗賽令評判壓力大增,主持車婉婉更提議逐一評審畀分,伍仲衡笑指責任感好重,張佳添覺得好殘忍,肥媽同周國豐則提點參加者揀歌要量力而為,因為難度高嘅「自殺歌」並唔會加分,反而要揀自己穩陣又唱得到嘅歌曲。

中年好聲音2登峯之戰|有片|冠軍古淖文與肥媽關係超好 原來十幾年前已經結緣?

《中年好聲音2》決賽周日晚完成,7強人馬古淖文、安雅希、譚輝智、顏米羔、黃劍文、沈宗賢以及陳俞霏經過一輪鬥法後,最終由古淖文以大熱姿態奪冠,自稱從未參加過歌唱片賽嘅譚輝智得到亞軍,並獲得「觀眾最愛好聲音大獎」;而另一黑馬顏米羔就得第三。

來自澳門的古淖文,2009年以原名古卓文參加亞洲電視《亞洲星光大道》,與陳蕾、羅力威、譚杏藍等人同屆參賽,古淖文最後打入決賽,以第5名完成,並得到台風獎。

當年《亞洲星光大道》的評判有擔任《中年好聲音2》評判的張佳添、周國豐、肥媽,而同樣來自澳門的肥媽因此而結識古淖文。後來,古淖文成為藝人及葡語活動司儀,肥媽不時會與古淖文登台,二人情同母子。

而古淖文過往曾想肥媽幫忙搭路,助自己加入TVB,肥媽當時就婉拒他,並指希望他在做人處事、唱歌上更有進步。他在賽後受訪時指,自己沒想過奪冠軍,並感謝節目讓他找回在舞台上的初心。現時,古淖文成功靠自己的歌藝加入TVB,相信肥媽也為他感自豪。

 相關推薦

熱門搜尋