中年好聲音丨呂方唱「嘥氣」技驚四座 吳大強林鉫徫再奪5盞燈直接晉級

中年好聲音丨呂方唱「嘥氣」技驚四座 吳大強林鉫徫再奪5盞燈直接晉級

TVB推出綜藝歌唱真人騷《中年好聲音》,逢周日晚九點半於翡翠台播映,由車婉婉擔任主持,噚晚播出呢集進入第二部曲《挑戰!兩個只能活一個》,50強選手一對一對決方式爭勝負,呢集有13位選手上陣。
打頭陣出場嘅吳大強再憑好聲音奪得5盞燈。
昨晚播出一集,正式進入第二部曲《挑戰!兩個只能活一個》,50強選手以一對一對決方式定勝負,是集共有13名選手上陣,當中只有吳大強及林鉫徫獲得5盞燈直接晉級,戰況相當激烈。是集打頭陣出場係上一回合贏得5盞燈嘅「Bill哥哥」吳大強,揀英文歌《Oh, Pretty Woman》繼續大晒招牌震音,邊唱邊扭身扭勢,兼向肥媽大拋媚眼。
肥媽畀吳大強嘅拋媚眼冧爆,張佳添叫吳大強行偶像派。
最終Bill哥哥憑亮眼表現,再奪5盞燈滿分佳績,成為首位直接晉級選手,肥媽大讚:「把聲又靚,又冇走音,又有拋媚眼,呢度得一個女人之嘛,抵畀啦!」張佳添亦讚不絕口謂:「見到有個偶像喺度,你唔使行實力派,做偶像派得喇!」

09 63歲嘅蔡祖輝係一位編劇,以前為咗家庭同生活,佢放棄咗歌唱夢,今次佢參加比賽除咗重拾夢想之外,仲想做個榜樣話畀個仔知追夢都係好重要。
上回合另一5燈選手「Jay」林鉫徫,今次挑戰高難度獻唱《死了都要愛》,天生靚聲嘅林鉫徫拉咪飆高音晒功架,最終與「Bill哥哥」一樣獲得5盞燈佳績直接晉級,張佳添更指引Jay點樣更上一層樓:「你呢5盞燈係以技術取勝,不過你嘅喉嚨唔夠鬆去唱高音,當你喉嚨鬆啲時,你個腦可以諗畫面、故仔,發出嘅高音就會充滿感情。」
「Jay」林鉫徫再度拎到5盞燈,實力不容忽視。
呂方聽畢即大表認同:「你去到高音部分因為太緊(指喉嚨),所以冇咗層次,如果把聲鬆啲,就好似喺山洞入面任你玩。」肥媽聞言即抵死叫呂方示範,呂方未有被拋窒,更即場以肥媽經典名曲示範,大晒高音唱出充滿層次嘅「嘥氣」,贏盡全場掌聲,車婉婉笑言:「好大個山洞呀!」
呂方唱「嘥氣」示範飆高音,大晒唱功之餘亦夠晒搞笑。
是集有出現爆冷情況,上回合5燈選手「紅美人」李泇霖今回表現失準,周國豐直言佢不夠穩定:「呢首歌有兩句歌詞好重要,『不肯不可不忍不捨失去你』同『牽手握手分手揮手講再見』,今日你音準出現瑕疵,影響咗成首歌嘅感情表達。」
「紅美人」李泇霖今次表現麻麻,李泇霖雖然被淘汰,但佢拎得起放得低,會繼續追尋音樂夢。
劉智衛接受挑戰自彈自唱《You Raise Me Up》,演出時更一度眼濕濕,劉智衛事後坦言:「呢首歌同埋《Amazing Grace》陪伴咗我好多人生低谷,每次都係靠呢兩首歌畀到我力量,好想分享畀大家。」張佳添事後給予正評:「Feel到佢心裏面嘅感覺,真係用咗個心唱!」最終劉智衛與李泇霖同樣奪得3盞燈,面對五位評審「2揀1」殘酷對決,最終5位評審將手上嘅燈全數投畀智衛,爆冷「吞蛋」兼被淘汰嘅泇霖「臨別」一度哽咽:「人到中年,拎得起放得低,呢一刻我可能輸咗,但我知道會有另一個舞台,我會繼續不斷學習同努力。」
劉智衛自彈自唱《You Raise Me Up》,充滿感情嘅演出為佢贏得晉級機會。
《中年好聲音》逢周日晚九點半翡翠台播映

中年好聲音2皇者誕生|黃劍文失落三甲 得到女神周慧敏力撐:Proud of you!

《中年好聲音2》決賽已經圓滿落幕,一直以來,所有參賽者成為了全城熱話,有大熱參賽者縱然失落獎項,但唱將們的實力已經得到一眾網民的認同。

原來,女神周慧敏(Vivian)一直非常支持黃劍文追逐歌手夢,近日,Vivian上載一張劍文站在舞台上的相片,寫上感言:「So proud of you黃劍文,你今晚的演出很精彩,謝謝你留下這麼棒的作品送給這個舞台和觀眾,相信你的舞台魅力和光芒,很多觀眾都看到了,除了你的努力和突破之外,更欣賞你一路上都帶着好心態去完成這個特別的旅程,你是花花世界的一道清泉,Jesus loves you。」

劍文轉發了Vivian的鼓勵,亦留言回覆:「說感激,說不完的感激。Thank you so much,多謝V一直以來嘅鼓勵同支持,感動。」

不少網民趁機鼓勵劍文:「覺得你慢歌值更高分,難度最高而且十分有感情及用心唱,有身體狀況仍在快歌也有突破,盡了力回報你喜歡你觀眾,是我心目中的三甲!」、「非常同意Vivian!劍文是值得被欣賞和認同!」。

圖片來源:周慧敏IG

 相關推薦

熱門搜尋