不正常愛情研究所｜聖誕浪漫撞正分手單拖點過？ 主持送祝福驚變互相傷害

仲有幾日就係聖誕節，今集主題自然同聖誕有關。今集內容上至失戀、拍拖；下至聖誕禮物同願望都應有盡有。 對好多年輕男女嚟講，聖誕節特別浪漫，希望有另一半一齊度過。不過 Jojo就格外傷感，自爆啱啱甩拖要過Lonely Christmas嘅佢話︰「大家真係好興奮，不過有樣嘢要坦白，今年嘅聖誕節係我5年以嚟第一次單身過。」Alan亦都感同身受話︰「你5年咋，我年年都係咁呀。」 突然間齊齊鬥慘。

而Karen就提到大學生圈子中，一直流傳6月O camp(迎新營)開始就係分手季節，到9月同學就籌備出pool，為12月聖誕節準備。 節目開始前，主持先寫祝福語句俾特定對象，Susucca祝 Alan可以「早日出 pool， 唔好成為「第三者」」，因為其中一集節目，塔羅牌師占卜估計Alan會做第三者，自此大家就以「第三者」嚟恥笑Alan喇。而Alan亦趁呢個機會還擊，居然貪玩祝未婚嘅Karen「早生貴子」，仲一秒撻着Karen，搞到佢失控暴走，仲話︰「佢明知我唔 想要小朋友㗎，我估唔到你個人咁惡毒。我真係好嬲呀，『早生貴子』即係同我講粗口。」

而交換禮物環節，Jojo就揀咗名為《藍色小花》嘅繪本，Jojo解釋話︰「原因係最近見到其中一個人嘅social media動態上面講咗一啲唔開心嘅嘢，情緒大起大落……」Jojo又話︰「想鼓勵吓佢，書嘅內容講你同其他人唔一樣都好， 但你仍然好特別。」

而身邊嘅Susuza接過繪本時開始失控爆喊，令現場再度失控，記得留意星期四晚嘅《不正常愛情研究所》喇。

《不正常愛情研究所》 星期四晚 23:00 J2(82台)