由王賢誌（Vinci）監製及主持嘅 J2 綜藝真人騷節目《仔仔一堂》，本周一至五晚十點半 J2播映終極一篇，星期五最後一集更會延長至一小時，終極篇《仔仔》將進行大洗版。

「嫰版王浩信」Louis上周五宣佈因工作關係被迫中途落車。
10名仔仔當中，被譽為「人氣王」嘅「嫰版王浩信」Louis上周五宣佈因工作關係被迫中途落車，令仔仔們關係出現大洗牌，「型男混合體」Andrew及「187花美男」Carson，「Young 版尊龍」Ray及「型男主廚」Kenny成為固定組合，進行唔同任務考察，兩對仔仔默契及配合指數；留下來嘅「純愛莫少聰」Nelbon、「害羞台男」Kevin、及「柔情版香取慎吾」Howard，將與新加入嘅「金融界代表」Nathan及「化妝界白淨男」Felix進行任務，至於「可愛兜風耳」HoHo及「陽光男孩」Juzco分別因為唔同原因暫別節目。

阿Ray整個水煮魚驚險連連，好彩有「型男主廚」Kenny（右）補鑊。Kenny試食時，發生啃骨意外。深情剖白愛情觀，而Kenny同Ray有相同價值觀，難怪二人咁夾。
噚晚（19日）呢集焦點集中喺兩大固定組合「AC」及「RK」身上，令人意外嘅係，一直喺節目中火花十足嘅「AC」組，去到兩人單獨進一步了解環節忽然由「糖黐豆」變成「水溝油」，Andrew因Carson講大話跟製作組否認曾私下約自己食飯大動肝火，Andrew認真表示：「呢個Reflect咗一個人嘅性格，下次希望佢Open啲同Honest啲。」

Andrew同Carson因為一個大話，搞到由「糖黐豆」變咗「水溝油」，點解會搞到咁嚴重呢？
至於「RK」組雖然因之前Ray「三心兩意」現暗湧，但當佢哋一齊執行任務，竟然異常地合拍，身為「地獄廚神」嘅Ray，更自薦整水煮魚向Kenny耍冧，由於誠意滿分，成功與Kenny關係再進一步，Ray遭Kenny誠意打動，難得喺節目中盡訴心中情，大談點解單身長達五、六年之久：「我五、六年前經歷咗事業失敗、分手、財務壓力，嗰時因為Ex嘅關係，我直頭自殺過。嗰刻我發現，如果愛一個人，首先要解決嘅問題係錢。所以我就想三十至四十歲期間，不斷去搵更加多嘅錢，去維繫更加持久嘅關係，對我嚟講再pick up一個relationship係需要比較大嘅勇氣。」

Nathan因為HoHo玩失蹤，反而有機會同超靚仔嘅排舞老師Catry有親密接觸同互動。二人仲大跳辣身舞，相當考驗體力。

今晚呢集新成員Nathan同Felix分別與HoHo及Howard進行任務，兩個組合均有重大事件發生，HN組因為HoHo出其不意「放飛機」，令到Nathan有幸與超靚仔排舞老師Catry有親密接觸及互動，二人大跳辣身舞，畫面精彩。

畫面突變成「數臭前度大會」，更不斷產生共鳴。原本溫馨嘅場面，因為一個「渣滓」前度而變成訴苦大會，絕對笑中有淚。

至於FH組則因為一個共同「前度」，令到二人溫馨野餐遛狗活動，畫面突變成「數臭前度大會」，更不斷產生共鳴，平時靜如止水嘅Howard一反常態雞啄唔斷，內容超多花生。今晚製作組更會同集公開HoHo忽然爽約原因，除咗與已落車嘅Louis有關之餘，內容極度洋蔥，想知HoHo點解突然咁冇交帶？密切留意今晚播出嘅第16集《仔仔》。

HoHo好認真咁同主理人王賢誌剖白突然玩失蹤真相，背後原因都幾洋蔥，密切留意呀！
另一班仔仔自節目播出後，一直積極參與唔同宣傳活動，日前「人氣王」Louis、Ray、Kenny及Nelbon齊齊接受J2官網準備嘅「Mean Comment」大挑戰，面對網民負評 （ 相關Facebook Link ）。對於被指「天菜」，Louis急忙謙虛否認，並大數自己外觀兩大缺點，單眼皮及眉毛未夠濃密，可惜卻遭同枱仔仔即時反對，Ray更以「美容專家」身份否定Louis，Louis頓時大感尷尬，掩面喪笑，場面歡樂。對於好友Juzco被指「八婆」，Louis長篇大論為其「大平反」，內容窩心搞笑（ 相關Facebook Link ）。

Ray（左起）、Kenny、Nelbon同Louis接受J2官網準備嘅Mean Comment大挑戰，Louis答問題時仲表情多多。對於好友Juzco被負評，Louis係咁為佢平反。呢個Touchwood二揀一嘅挑戰既好笑又熱鬧。
最後一集加長版｜《仔仔一堂》本周一至五晚 10 點半 J2 (82) 台播終極篇

24小時求助熱線︰
香港撒瑪利亞防止自殺會熱線︰23892222
撒瑪利亞會熱線(多種語言)︰28960000
生命熱線︰23820000
東華三院芷若園熱線︰18281
社會福利署熱線︰23432255
醫院管理局精神健康專線(24小時精神健康熱線諮詢服務)：24667350
明愛向晴熱線：18288

J2自家製旗艦綜藝節目，由向海嵐（Anne）、周奕瑋（Jarvis）及黃嘉雯（Carmaney）主持，昨晚（1 日）播出一集，特別嘉賓黃心美（Scarlett）登場，並跟12名超毛合作拍攝封面照。今次拍攝走型格及fashion路線，特意找來形象設計師Cindy為狗狗度身訂造服飾，所有相片由知名寵物藝術攝影師蔡敏亮操刀，一行人到坪洲秘密花園取景，務求發掘出候選超毛的第6個「C」（Camera Face）。

Scarlett 家中育有3隻摩天使，經過兩日相處及拍攝，問到其心目中三大可愛狗狗誰屬，她自言印象最深的是摩天使 Bubu︰「因為自己都係養摩天使，一見到佢就兩眼發光。其實12隻狗影相嘅位都唔同，Bubu位相對較高難度，所以拍攝時間比較長。佢有招必殺技係識得『請請』，好似叫人『快啲影完，放過我啦』，好得意囉。」

另外年紀最大的超毛、16歲芝娃娃Jammy同樣引起Scarlett關注︰「聽完佢嘅參賽故事已經好感動，主人阿偉話想趁仲有機會同Jammy經歷多啲，加上Jammy好細隻，感覺較脆弱，拍攝時我會份外小心，會畀extra care佢。」Scarlett續指拍攝期間，一度被阿偉的感性讀白搞到喊︰「開頭以為我眼淺，估唔到擰轉頭見到 Anne（向海嵐）啲眼淚仲勁過我。」

第三隻吸引Scarlett眼球的是臘腸狗薯餅，由於薯餅太過「主人控」及不受控制，故原本所有人打定輸數「有排搞」，豈料最後薯餅創造奇蹟極速完成任務，Scarlett說︰「佢好上鏡，主人Jimmy作為『經理人』角色好稱職，佢溝通同協調都做得好好。」Scarlett又大讚現場團隊表現專業，攝影師很清楚自己想要什麼，動物行為訓練師Garay則完美「助攻」及協調。