方力申睇好陳山聰奪視帝 投票《痞子殿下》陳瀅爭視后

方力申睇好陳山聰奪視帝 投票《痞子殿下》陳瀅爭視后

方力申同蔡立兒呢日現身灣仔出席歌唱比賽《歌手的誕生》記者會,入行22年嘅小方首次擔任音樂比賽評審,佢覺得好大壓力,希望參加者有好表現,臨場發揮到應有水準,今次小方主要跟大會評分標準,自言比較心軟,所以畀分數偏向高分。

講到TVB亦有比賽節目,小方即謙虛指未夠資格:「我唔叻,只係識講『雞有雞味、牛肉好有牛肉味』,再深啲我都講唔到。」講到TVB萬千星輝頒獎,小方睇好陳山聰拎視帝,坦承已投入圍視后10強嘅《痞子殿下》陳瀅一票。

小方目前暫未計劃去旅行,因為父母仍未確診,出門外遊比較唔放心,小方最希望一家四口去旅行,所以佢要睇父母願唔願意起行,自己就隨時都OK。

此外,蔡立兒原來有關注《中年好聲音》選手,佢亦支持唔同年齡層勇敢追夢,而且佢覺得整體唱歌表現幾好,蔡立兒最印象深刻係Uncle Bill(吳大強),見佢為人好友善,期望吳大強下一集挑戰唱啲咩歌。

陳瀅中空誘人現身活動 《執法者們》日背廿幾頁對白大讚馬明體貼

陳瀅中空誘人現身活動 《執法者們》日背廿幾頁對白大讚馬明體貼

近來正拍攝新劇《執法者們》嘅 陳瀅 呢日以中空裝現身一個活動,仲提到新劇拍攝非常順刮,但係要扮演ICAC調查員嘅大量對白就被考起,而主要同馬明有對手戲嘅佢,仲對完成大量嘅調查戲份可以話鬆一口氣呀。

每日要背廿幾頁對白,真係一啲都唔易,不過Jeannie亦話今次可以同馬明、陳豪仲有黃宗澤合作機會非常難得﹐而首次合作嘅馬明仲有一點令佢非常讚嘆,仲非常照顧同場嘅大家呀。

 相關推薦

熱門搜尋