電子商貿x品牌節目全新化學作用 鄰住買x獎門人個半鐘吸金$326萬

喺瞬息萬變嘅數碼商貿年代，變現力同匹配力成為一個項目合作嘅新基準，將最高收視點嘅節目同最有劈價力嘅貨品結合，星期日嘅一集《開心無敵獎門人》同鄰住買嘅成功合作，就喺1.5小時內獲得港幣$326萬生意額，贏得收視點同銷售額之餘，更成功將收視流量化為銷量，皇牌電視節目引流到電商平台交易，發揮TVB資源協同效應，已成為一個完整嘅創新商業模式。 

TVB早喺十月嘅《嘩鬼無敵獎門人》中，首度與閃購平台「鄰住買」合作，筍貨以「獎門人嘩鬼開心價」，喺節目後進行直播開賣。「鄰住買」平台隨即錄得達19萬人次瀏覽量，由高收視點帶動高瀏覽量狀態下，劈價貨品實時吸引大批潛在顧客群，一晚訂單超逾五萬張，總生意額則高達逾港幣$313萬。

而喺啱啱過去18號晚嘅《獎門人開心感謝祭》再度與「鄰住買」發揮協同效應，節目收視高開24.9點，吸引近162萬名觀眾收睇，而秒速贏取觀眾歡心嘅實力貨品減價幅度達至一四折，包括由$44880減至$12800嘅電動按摩椅、由$299減至$89嘅藍牙耳機、由$663減至$89嘅羊胎素眼霜等，而所有劈價貨品只限當晚限量發售。

節目後短短一個半小時嘅直播開賣時間中，大批顧客以秒殺形式將貨品搶購一空，超過 25000張訂單；總生意額高達逾港幣$326萬。

TVB皇牌節目《開心無敵獎門人》開播以來除咗網上討論度持續高企，收視同網絡流量成績同樣表現突出，集團去年就數碼商貿發展收購「士多」，截至2022年6月底嘅中期業績，電子商貿收入按年上升逾26倍。無綫電視業務群將會繼續發掘創新嘅商貿化學作用，繼續為持份者爭取長遠利益，攜手踏進數碼年代同傳統媒體共贏嘅新紀元。