有種好男人｜Ali吳偉豪母子檔矚目 Yoyo挑戰傻姑姐唔簡單

輕鬆喜劇《有種好男人》將會喺今個月26號首播，有份主演嘅李佳芯、陳自瑤、吳偉豪、趙希洛等，呢日就現身宣傳活動兼預祝聖誕節。

吳偉豪話可以同自己嘅女神Ali合作好興奮，收到劇本之後一直好期待呀，仲話能夠有女神做阿媽簡直可遇不可求呀。講到網民盤點過，話《有種》係Ali最後一套存貨劇，對此Ali直認此事，仲叫網民觀眾到時記得要收睇，因為錯過咗嘅話就唔知將時會再有。Ali又話作為演員好被動，雖然聽過下年會有咩新劇開，但最終劇組會唔會搵佢都係未知知數。

吳偉豪爸爸吳大強參加咗《中年好聲音》，仲成功晉級到24強，吳偉豪就爆爸爸每晚都係屋企彈結他練歌到深夜，又話自己絕對支拎爸爸呀。

陳自瑤喺劇入面就飾演馬德鐘嘅姑姐，由於個性大刺刺兼戀愛腦，Yoyo話相信觀眾近年會比較少見佢演呢類角色，所以相信可以帶到新鮮感畀大家呀！