梁詠琪出年2月就會再次踏上紅館舞台,展開新一輪個唱,呢日Gigi以7吋高踭鞋陪全紅色打扮現身記者會宣傳,仲話攪盡腦汁安排曲目同表演,希望入場歌迷會有全新感受咁話。但係因為多年嚟推出過嘅歌實在唔少,所以Gigi就話揀歌都已經非常頭痛喇。
雖然目前表演仲係籌備當中,不過問到會唔會安排囡囡上台同自己一齊演出,Gigi就話會有唔少壓力喇,至於會唔會好似上次咁安排跳唱環節,佢就話今次都一定會繼續喇。
Gigi呢日除咗正式宣佈開騷之外,同時亦都係加盟新公司之後嘅首次合作,而之後佢就會接拍電影作品,仲話往後歌唱同電影方面都會同步進行喇。
登入後即可查看我的收藏
登入後即可查看瀏覽記錄