輕.功丨黎耀祥勸交被歐瑞偉兜錘窩面 「凌波大廈」韋家雄楊卓娜係氣氛擔當

輕.功丨黎耀祥勸交被歐瑞偉兜錘窩面 「凌波大廈」韋家雄楊卓娜係氣氛擔當

TVB台慶劇《輕.功》主打小品故事,溫馨貼地劇情引發觀眾共鳴,更於內地豆瓣網獲得7.7分,成績不俗,噚晚嗰集講到志威(韋家雄飾)希望圓夢再拍電影《輕功》,遂鼓起勇氣面對當年因該片種下心結嘅吳錦賢(歐瑞偉飾),求對方出山完成劇本,惟錦賢以江郎才盡為由予以拒絕,志威改以激將法,鬧錦賢係縮頭烏龜,兩人因此大打出手,十一(黎耀祥飾)出面勸交,無辜硬食錦賢「兜錘窩面」。


志威求錦賢出山寫劇本,可惜錦賢話自己江郎才盡寫唔到落去。後來志威同錦賢大打出手,勸交嘅十一無辜硬食咗一拳。
歐瑞偉今年劇接劇,先後參演《鐵拳英雄》、《金宵大廈2》、《黯夜守護者》、《超能使者》、《輕.功》及即將播出嘅《有種好男人》,喺《鐵拳》及《超能》中飾演大反派,表現亮眼,贏盡好評,歐瑞偉今次喺《輕.功》角色有別以往、更考演技,相對比較文靜、內心戲較多,歐瑞偉從演經驗多年,對大部分角色輕鬆駕馭,展現出文質彬彬一面,獲網友大讚演乜似乜。

歐瑞偉演乜似乜,今次大晒文靜一面。

歐瑞偉受訪時歸功於劇本寫得好:「呢個角色唔難演嘅,因為都唔多出聲,都係跟住劇本嚟演。其實錦賢背後有個故仔,以前佢鍾意咗個當紅女演員,後來女演員同咗第二個人結婚,但一切只係佢一廂情願,呢個心結埋藏咗喺佢心入面好多年。」歐瑞偉形象百變,演奸又得演忠又得,仲係龍虎武師出身,早前喺《愛.回家之開心速遞》更表演後空翻,年屆61歲依然身手敏捷,十足後生仔。



瑞偉仲大開金口唱歌。

楊卓娜同韋家雄原來係劇組嘅開心果。

歐瑞偉早前喺《超能使者》演大反派。歐瑞偉喺《鐵拳英雄》都係演大反派

歐瑞偉喺劇中再開金口唱歌:「唱番自己熟悉嘅歌,難度唔算高,但都係要練吓歌,同埋我冇乜唱歌癮,因為始終唱歌唔係叻,出去登台來來去去都係唱嗰幾首。」講到「凌波大廈」街坊關係密切似足一家人,歐瑞偉笑言:「大家本身都好熟,所以開工時都好輕鬆,最好笑係韋家雄同埋楊卓娜,佢哋兩個成日喺度扮到狗咬狗骨,搞氣氛氹大家開心!」


其實歐瑞偉仲係武師出身,之前佢喺《愛.回家之開心速遞》晒後空翻,寶刀未老。
《輕.功》 逢周一至五晚九點半翡翠台播映

《愛.回家》譚道德嫁女!陳榮峻收親家聘書超開心 女兒移居新西蘭任護士

陳榮峻憑TVB處境劇《愛.回家之開心速遞》飾演「譚道德」成功入屋,陳榮峻噚日喺IG貼出一張疑似係親家提親嘅聘書,公佈愛女即將結婚呢個喜訊。

陳榮峻兒子頴聰貼出家庭合照。
陳榮峻今日喺IG貼出嫁女相。

聘書見親家大讚陳榮峻女兒頴儀(Jessica),陳榮峻收到親家嘅誠意,表示超開心,感覺女家備受尊重,估唔到今時今日仲有傳統禮儀!
陳榮峻噚日喺IG貼出一張疑似係親家提親嘅聘書。

陳榮峻今日喺IG貼出嫁女相,原來愛女於奧克蘭嘅St. Patrick's Cathedral舉行神聖婚禮,呢間大教堂係奧克蘭市天主教堂,以哥德復興式建築,建立於1841年為奧克蘭最迷人嘅建築之一。

陳榮峻帶愛女進場,佢笑問:「嗰造型似唔似新郎哥。」陳榮峻與吳香倫於2015年拍拖,2018年結婚,陳榮峻仔女亦接受吳香倫呢位繼母。

陳榮峻早年與圈外妻子鄭安麗結婚,育有兩子一女。鄭安麗於2010年因腦溢血離世,陳榮峻難走出喪妻之痛曾欲輕生,幸有好友開解走出陰霾,陳榮峻與吳香倫於2015年拍拖,2018年結婚在四代同堂見證下再為人夫,仔女亦接受吳香倫呢位繼母,陳榮峻曾透露阿女中學時已前往新西蘭留學,目前喺當地任職護士。 
陳榮峻曾透露阿女中學時已前往新西蘭留學,目前喺當地任職護士。

 相關推薦

熱門搜尋