法證先鋒V大結局|高鈞賢離奇墜樓死原因成謎 蔣怡綁王敏奕測Bosco緣份

法證先鋒V大結局|高鈞賢離奇墜樓死原因成謎 蔣怡綁王敏奕測Bosco緣份

台慶劇《法證先鋒V》今晚就會播出大結局,而22號晚一集可以話係 高鈞賢 演技晒冷之作,飾演世熙嘅Matthew,因自己傾慕嘅純真女孩 楊冰 陳曉華 飾被張文傑 謝東閔 飾綁架兼意外身亡,遂踏上復仇之路,喺貨倉同文傑生死鬥而身負重傷。

雖然世熙最後因為司徒亮 白彪 飾出現將文傑殺死而逃過大難,不過最終依然墮樓身亡,死不眼閉之外嘴角更驚現「小丑嘴」,死亡地點又正正喺Big Boss Thena 蔣怡 飾打理嘅Café門外,死因成疑。

世熙結局前意外墜樓,神秘原因今晚揭曉

世熙死後要接受解剖,只遮著重要部位嘅Matthew,要接近全裸瞓喺解剖床。而為求逼真Matthew當日仲花咗成6個鐘頭化屍體妝,仲話:「好凍呀,一來張鋼床好真實,二來化妝間嘅冷氣真係好勁。」 Matthew仲話為求呈現屍體應有狀態,所以冇好似平時拍戲咁刻意操練,只係控制食量以免肚腩外露咋。

監製方浤酌就大讚Matthew喺《法證V》愈演愈好,而Matthew就透露由於最後幾集由Ben親自 落場拍攝,所以有即場研究點樣令角色更立體,又指自己最喜歡嘅場面係喺咖啡店同Hera嘅對手戲:「因為我成套劇都好認真、冇乜笑容,唔係好表達到內裏真實嘅性格。 個角色雖然做好多壞事,但佢其實都好似普通人咁想擁有自己嘅愛情,所以嗰場戲雖然簡單,但我都好有感覺。」

至於今晚播出嘅大結局,世熙死亡嘅真相將會終極解開,Matthew仲透露拍攝時有一定難度:「因為嗰日要趕進度,加上好凍,天台超大風,仲要拍感情戲係有啲難度。好彩拍完出嚟我都滿意,希望大家到時睇都覺得有驚喜啦。」

而逐漸露出真面目嘅Thena,因為妒忌余Sir 黃宗澤 飾同寶英 王敏奕 飾相戀, 竟下毒手綁架寶英,仲同余 Sir大玩「緣份遊戲」,測試佢同寶英之間嘅緣份指數,寶英生死成為大結局關鍵。

Thena妒火中燒,竟然綁架寶英

曾被譽為「黑美人」嘅Coco,劇中角色亦在網上引發顏值熱議,唔少觀眾覺得Coco略嫌太瘦,不過對身為媽咪級嚟講,絕對屬於保養得宜呀。而TVB官方亦公開咗Bosco同Venus嘅NG花絮,片段所見Venus堪稱「蝦碌王」,唔止唸錯對白、又搞錯同對手互動嘅Timing、最搞笑係連開車門都出現困難,頭髮又成日被風吹到猶如亂草一樣, 令「冷面」Bosco都忍唔住連番笑場呀。

婚後事|主要演員集合睇結局直播 盼新一輯CP重新分配

熱播話題劇《婚後事》將成年人對感情嘅寫實一面全盤曝露於畫面,吸引外界熱烈討論同反思,星期五播出大結局 陳自瑤 羅子溢 黎諾懿 賴慰玲 羅天宇 黎燕珊 一班主演員都齊集一齊歡送作品告一段落。

最後一集總結大家嘅感情糾結,唔捨得之餘仲有唔少感觸呀,而各位演員非常真實嘅感情戲演出,仲被觀眾認為會引起台慶頒獎禮大亂鬥,Winki就話要非常多謝諾懿嘅合作先有咁好嘅結果喇。

至於Yoyo亦都指一切要歸功於團隊嘅共同努力,編審同監製嘅功勞亦都至為重要。對外界紛紛希望原班人馬拍攝新一輯,大家仲搞笑話要組成唔同CP重新配搭咁話。劇中約炮當食生菜嘅Joey被兩位男主角整蠱窮追猛打之下,仲大個仔話唔使選擇,要同Yoyo仲有Winki齊齊合作呀。

而子溢就指下輯希望自己主線同Winki發展,但係又要同時同Yoyo繼續糾纏,真係聽到都緊張呀。至於諾懿雖然呢一輯歷紅波折,而如果開拍新一輯,一定要有 王敏奕 演一對,因為今次太少對手戲咁話呀。

至於外傳佢呢位港普之父有意開好友演唱會,呢日依舊冇句真嘅諾懿就話,已經籌備多時,又賴皮話只會係自己好友出場演唱,自己只會以最擅展嘅港普出場做主持喎。

 相關推薦

熱門搜尋