由王賢誌（Vinci）監製及主持的 J2 綜藝真人騷節目《仔仔一堂》（Boyscation），今晚十點半至十一點半J2（82台）播映最後一集，揭曉終極配對結果，更有開心Re-U派對，「人氣王」Louis強勢回歸，分享參與拍攝節目後嘅得著之餘，Louis嫲嫲及室友更一齊親臨現場為其打氣。
Louis同佢嫲嫲嘅笑容真係倒模一樣架，嫲嫲精靈現身支持呢件事好有愛呀！
雖然Louis嫲嫲年事已高，但佢活潑精靈，笑容更與孫仔猶如倒模，相當搶焦。談到拍攝得著，Louis感性地感激HoHo一直無條件支持自己：「HoHo教識我最多嘢，好鍾意佢教我話要有敢於失去嘅勇氣。」至於「陽光男孩」Juzco，除咗獲前度錄音打氣支持及給予人品認證，同時獲頒「仔仔一堂最佳友誼先生」，令其哭笑不得，成功炒熱全場氣氛。
Juzco攞獎到底點解咁好笑呢？
近日招惹不少「八婆」負評嘅Juzco，更喺節目中豁達謂：「我每當諗番呢個節目，我都係會諗：『死啦，我會唔會好樣衰呢？』不過諗諗吓算啦，就算出嚟畀人笑，我都覺得得著大於一切，總之多謝啦！」之後Juzco更熱情咀嘴Vinci，場面好搞笑。
Howard妹妹拍片支持哥哥，而題外話係佢哋兩個真係好似樣。曾與Juzco拍拖多年的前度錄音為Juzco打氣，勁有愛！
除咗Louis及Juzco，「柔情版香取慎吾」Howard嘅餅印妹妹、「害羞台男」Kevin好友、新成員Nathan媽媽、「純愛莫少聰」Nelbon上司、「型男混合體」Andrew好友，亦分別以錄影及親臨現場形式送暖及給予支持。
在單親家庭長大的Nathan，難忘當年母親為了養家一人打幾份工之餘，亦難忘她無私的「雞飯盒」，想感受完整版「洋蔥」，密切留意今晚播出一集。
當中Nathan更分享「媽媽與飯盒」無私感人故事，令全場陷入淚海，單親家庭長大嘅Nathan，靠媽媽一人打數份工養大三個孩子，若遇上唔夠錢，便會犧牲自己捱餓，讓Nathan相當心痛：「有一晚佢買咗三盒雞飯，佢呢度執啲嗰度執啲當晚餐，我之後發覺佢原來唔夠錢買四盒，佢自己冇乜點食。」媽媽無私嘅愛，令Nathan獲得好大動力，希望將來可以回饋母親。
Vinci感激母親臨終前親口向Kevin表示視對方如親生兒子，大為感動的他憶述當日情景時藏不住淚光。Vinci提及母親由抗拒到接納Kevin嘅過程。Vinci另一半Kevin亦有現身節目。
Vinci另一半Kevin亦有現身節目，二人2016年於加拿大舉行田園風結婚派對，喺親友見證下完成人生大事，二人分享婚姻觀，Vinci更提及母親由抗拒到接納Kevin嘅過程，當佢喺鏡頭前憶述母親臨終前跟Kevin講嘅遺言，雙眼藏不住淚光：「『你冇咗媽咪，我就係你媽咪，我當多咗個仔。』我嗰刻好感動，由媽咪唔係咁接受，到接受我另一半係佢個仔。」兩個洋蔥故事均見證母親嘅愛，對圓滿子女嘅人生係何等重要。
今晚一集好多心思位，密切留意。公布配對結果環節，除咗充滿笑料，亦好有緊張感。Andrew好友同樣是高顏值系列。今晚一集仲有特別嘉賓趙式芝。《仔仔一堂》揭曉終極配對結果，更有開心Re-U派對。
今晚呢集亦充斥笑點，事緣喺公佈終極配對結果一刻，「歡喜冤家」Ray跟Kenny竟然當住主理人面對互數缺點，但內容卻係爆笑溫馨多過火藥味。至於關係「五時花六時變」嘅Andrew及Carson，二人終極答案更係峰迴路轉「歡喜冤家」Ray跟Kenny竟然當住主理人面對互數缺點，但內容卻係爆笑溫馨多過火藥味。
最後一集加長至1小時｜《仔仔一堂》今晚10 點半 J2 (82台)播終極篇 

由王賢誌（Vinci）監製及主持嘅J2 綜藝真人騷節目《仔仔一堂》，逢周一至五晚十點半 J2（82 台）播映，今晚（16號）播出呢集將出現重大事件，就係有仔仔因私人理由下車，並由主理人Vinci代為宣佈因由，現場仔仔聽完原因均晒O嘴，事件耐人尋味。

「害羞台男」Kevin &「純愛莫少聰」Nelbon「陽光男孩」Juzco &「柔情版香取慎吾」Howard「Young 版尊龍」Ray &「型男主廚」Kenny「嫰版王浩信」Louis &「可愛兜風耳」HoHo「型男混合體」Andrew &「187花美男」Carson
除咗仔仔忽然落車，今晚仲有另外兩大驚爆點，首先眾人關係再度「反轉再反轉」，更有出奇不意嘅「驚人新組合」誕生；另外有兩名新成員加入「混戰」，據知有高薪厚職金融界代表，又有化妝界白淨男，由於官方一直未有公佈兩位新成員資料，令此事更添神秘色彩。

集集都有啲新搞作嘅《仔仔》，呢集突然宣佈Carson係「Secret Angel」其中一位，佢選擇嘅「被天使」對象係Andrew。Andrew得悉真相後即時黑面，雖然佢已經好努力咁擠出笑容。Carson淆晒底。原本Andrew同Carson嘅相處係好好嘅。

Andrew同Carson嘅暗湧，又會唔會影響到Louis呢？

21.jpg現場嘅仔仔聽到有人落車呢個消息都好震驚。
噚晚播出嗰集盤點仔仔們嘅高顏值合照，再度發生「火爆」事件。事緣Vinci突然宣佈Carson與Howard係節目組暗中安排嘅「秘密小天使」，二人可按個人喜好對其中一位仔仔釋出善意。
當Andrew得悉Carson向自己示好有機會只係節目效果時，頓時即場黑面，向來性格溫和嘅Andrew直認生氣：「我係有少少驚，同埋少少嬲同唔開心。」之後Andrew強調要小心啲呢個人，由於Andrew全程表現難得強硬，令向來跳脫嘅Carson一度嚇至笑意盡失，究竟佢哋關係係唔係轉趨緊張，就密切留意今晚播出第十四集《仔仔》。

王賢誌今晚將公開新加入兩名仔仔真身！
《仔仔一堂》周一至五晚 10 點半 J2 (82) 台播映，《仔仔一堂》以「絕不歧視愛情」為中心思想，搵來10名外型、學歷及事業等條件不俗嘅仔仔參與拍攝，包括「型男混合體」Andrew、「187花美男」Carson、「可愛兜風耳」HoHo、「陽光男孩」Juzco、「嫰版王浩信」Louis、「Young 版尊龍」Ray、「純愛莫少聰」Nelbon、「害羞台男」Kevin、「型男主廚」Kenny 及「柔情版香取慎吾」Howard。