仔仔一堂Re-U派對|王賢誌難忘媽媽「遺愛」另一半 Louis高齡嫲嫲親臨送暖

仔仔一堂Re-U派對|王賢誌難忘媽媽「遺愛」另一半 Louis高齡嫲嫲親臨送暖

由王賢誌(Vinci)監製及主持的 J2 綜藝真人騷節目《仔仔一堂》(Boyscation),今晚十點半至十一點半J2(82台)播映最後一集,揭曉終極配對結果,更有開心Re-U派對,「人氣王」Louis強勢回歸,分享參與拍攝節目後嘅得著之餘,Louis嫲嫲及室友更一齊親臨現場為其打氣。
Louis同佢嫲嫲嘅笑容真係倒模一樣架,嫲嫲精靈現身支持呢件事好有愛呀!
雖然Louis嫲嫲年事已高,但佢活潑精靈,笑容更與孫仔猶如倒模,相當搶焦。談到拍攝得著,Louis感性地感激HoHo一直無條件支持自己:「HoHo教識我最多嘢,好鍾意佢教我話要有敢於失去嘅勇氣。」至於「陽光男孩」Juzco,除咗獲前度錄音打氣支持及給予人品認證,同時獲頒「仔仔一堂最佳友誼先生」,令其哭笑不得,成功炒熱全場氣氛。
Juzco攞獎到底點解咁好笑呢?
近日招惹不少「八婆」負評嘅Juzco,更喺節目中豁達謂:「我每當諗番呢個節目,我都係會諗:『死啦,我會唔會好樣衰呢?』不過諗諗吓算啦,就算出嚟畀人笑,我都覺得得著大於一切,總之多謝啦!」之後Juzco更熱情咀嘴Vinci,場面好搞笑。
Howard妹妹拍片支持哥哥,而題外話係佢哋兩個真係好似樣。曾與Juzco拍拖多年的前度錄音為Juzco打氣,勁有愛!
除咗Louis及Juzco,「柔情版香取慎吾」Howard嘅餅印妹妹、「害羞台男」Kevin好友、新成員Nathan媽媽、「純愛莫少聰」Nelbon上司、「型男混合體」Andrew好友,亦分別以錄影及親臨現場形式送暖及給予支持。
在單親家庭長大的Nathan,難忘當年母親為了養家一人打幾份工之餘,亦難忘她無私的「雞飯盒」,想感受完整版「洋蔥」,密切留意今晚播出一集。
當中Nathan更分享「媽媽與飯盒」無私感人故事,令全場陷入淚海,單親家庭長大嘅Nathan,靠媽媽一人打數份工養大三個孩子,若遇上唔夠錢,便會犧牲自己捱餓,讓Nathan相當心痛:「有一晚佢買咗三盒雞飯,佢呢度執啲嗰度執啲當晚餐,我之後發覺佢原來唔夠錢買四盒,佢自己冇乜點食。」媽媽無私嘅愛,令Nathan獲得好大動力,希望將來可以回饋母親。
Vinci感激母親臨終前親口向Kevin表示視對方如親生兒子,大為感動的他憶述當日情景時藏不住淚光。Vinci提及母親由抗拒到接納Kevin嘅過程。Vinci另一半Kevin亦有現身節目。
Vinci另一半Kevin亦有現身節目,二人2016年於加拿大舉行田園風結婚派對,喺親友見證下完成人生大事,二人分享婚姻觀,Vinci更提及母親由抗拒到接納Kevin嘅過程,當佢喺鏡頭前憶述母親臨終前跟Kevin講嘅遺言,雙眼藏不住淚光:「『你冇咗媽咪,我就係你媽咪,我當多咗個仔。』我嗰刻好感動,由媽咪唔係咁接受,到接受我另一半係佢個仔。」兩個洋蔥故事均見證母親嘅愛,對圓滿子女嘅人生係何等重要。
今晚一集好多心思位,密切留意。公布配對結果環節,除咗充滿笑料,亦好有緊張感。Andrew好友同樣是高顏值系列。今晚一集仲有特別嘉賓趙式芝。《仔仔一堂》揭曉終極配對結果,更有開心Re-U派對。
今晚呢集亦充斥笑點,事緣喺公佈終極配對結果一刻,「歡喜冤家」Ray跟Kenny竟然當住主理人面對互數缺點,但內容卻係爆笑溫馨多過火藥味。至於關係「五時花六時變」嘅Andrew及Carson,二人終極答案更係峰迴路轉「歡喜冤家」Ray跟Kenny竟然當住主理人面對互數缺點,但內容卻係爆笑溫馨多過火藥味。
最後一集加長至1小時|《仔仔一堂》今晚10 點半 J2 (82台)播終極篇 

Mayanne小喇叭丨王賢誌率仔仔爆Gay界秘聞 麥美恩施擒拿手向Juzco驗胸

Mayanne小喇叭丨王賢誌率仔仔爆Gay界秘聞 麥美恩施擒拿手向Juzco驗胸

由麥美恩(Mayanne)擔任主持,曾展望(GM)擔任助理主持嘅清談節目《Mayanne小喇叭》,播出後口碑收視不俗,加上話題廣闊,吸納唔同觀眾。喺29日播出嘅主題為「出櫃後的仔仔們」,特意邀請到王賢誌(Vinci)同來自真人騷《仔仔一堂》嘅Carson、Howard以及Juzco擔任嘉賓,大爆Gay界秘聞。

曾展望、王賢誌、麥美恩、Juzco、Howard、Carson。

Mayanne講到坊間有指仔仔們自帶「測Gay雷達」,四位仔仔都贊同,Juzco話:「有啲係好鍾意做Gym,會Post啲健身相喺IG。」穿低胸背心晒肌嘅佢即被同場其他人「調戲」,Juzco話:「我做Gym咁辛苦,唔係唔影畀自己睇吓嘛?」Vinci聞言即窒爆佢:「你唔係畀自己睇,係畀人哋睇!」搞鬼嘅Mayanne隨即上演驗胸大會,摸住Juzco脹卜卜嘅胸肌話:「係大嘅,大過我囉!」佢哋又分析各大類型嘅仔仔,分別有大隻靚仔嘅「狼」、留鬚兼肥壯嘅「小熊」,仲有一種叫「蝦」。

Mayanne 同 Juzco 惺惺相惜,Mayanne 覺得 Juzco 同佢性格好相似。

GM講到有仔仔朋友曾經成功幫佢追女仔,令單身嘅Mayanne流晒口水,可惜Juzco竟潑冷水話覺得Mayanne差咁一個會欣賞粗魯女仔嘅男仔,令Mayanne即時好冇癮,之後Vinci提議帶Mayanne蒲Gay吧:「嗰度有機會識到直男,試過有女仔朋友搵到真愛。」

Mayanne 再次上演驗胸大會,仲話 Juzco 個胸大過自己!

Mayanne 問 Juzco 可以點樣脫單,但得到嘅回覆令佢好無癮。

Carson大爆「韓國仔仔」當兵解決性需要實錄。再講到時下流行的「Thruple 三人行」,Vinci坦言:「喺男男關係同女女關係先會出現,因為男女關係出現三人行會有啲奇怪,因為只係滿足到其中一方。」曾經同韓國人交往嘅Carson則分享「韓國仔仔」當兵如何解決性需要,並指有「直男兵哥」初嘗同性之間嘅喜悅後由直變攣!


講到 Gay 界術語,Mayanne 聽到「蝦」嘅解釋之後 O 晒嘴,「蝦」究 竟係點解呢?

《Mayanne小喇叭》,逢周四、五晚10點半翡翠台播映

熱門搜尋