早前先傳出同內地女星 李曉峰 撻著嘅 劉愷威，近日又有報道指因為對囡囡小糯米嘅撫養問題拒絕再婚，而令戀情有破裂危機。身為爸爸嘅 劉丹 呢日為《愛．回家之開心速遞》宣傳，就提到愷威將返港過年，同時笑對傳聞喇。丹爺話唔會對傳聞動氣，又向傳媒指未有聽聞所謂嘅撫養權協議喎。

Gigi炎明熹日前公開會喺《愛．回家》客串演出，而一眾演員就大讚Gigi喇， 滕麗名 呂慧儀 仲話Gigi乖女又準時，仲更加非常識得執生， 袁文傑 亦大讚Gigi充滿喜感呀。

話晒冬至大過年，身為人妻嘅阿滕就話收工就要返屋企煮冬至大餐，八餸一湯之餘仲會照顧埋劇中同事，難怪呢日長腳蟹一聽到就食指大動口水都流埋喇， 張景淳 亦都食過返尋味，仲話希望往後有機會食更多好嘢呀。

劉丹兒子劉愷威同前妻楊冪離婚多年，愷威日前終於認愛，跟內地演員李曉峰相戀，丹爺呢日出席《愛‧回家開心速遞》宣傳活動，開腔回應阿仔嘅感情事，丹爺笑言好開心，又指好多朋友呢幾日都問起此事，修哥仲叫大家恭喜丹爺。

愷威發女友近照給丹爺過目，丹爺大讚李曉峰幾靚，不過暫時未見到李曉峰，亦唔勉強阿仔拉埋天窗，希望阿仔跟女友順其自然發展，丹爺本來想將開心事跟孫女劉苡馨（小糯米）分享，不過太太想由愷威親自同小糯米講。

《萬千星輝頒獎典禮2022》日前公佈提名名單，獲得4項提名嘅袁文傑，好開心受到大家嘅肯定，下月就係佢同太太張潔蓮結婚兩周年，今年將準備小禮物，同埋搵個地方帶埋寵物一起度過，出年先同太太外遊旅行。

《愛‧回家》劇集播出快6年，一直未把「最佳劇集」呢個獎收入囊中，呢日豹哥單立文笑稱應該輪到佢哋，而蘇韻姿獲提名女飛躍進步女藝員，佢多謝大家支持，亦好想《愛‧回家》拎「最佳劇集」；吳偉豪、焦浩軒及陳浚霆入圍最佳拍檔，陳浚霆直言佢哋一向「不和」，冇諗過佢哋獲提名。