中年好聲音|選手兩個只能活一個 爭晉級戰火漫延

中年好聲音|選手兩個只能活一個 爭晉級戰火漫延

嚟緊播出嘅一集《中年好聲音》當中,19位選手將會進行PK戰一決勝負,爭取晉級機會,就連已經獲得五燈嘅選手 鮑聖光 周吉佩 同 何博文 都會出戰,呢日就先睇吓佢哋嘅表現先啦,到底佢哋可唔可以順利入圍,星期日晚嘅節目就會有分曉。

而早前跌入等候區嘅 李思琳 就會再次出戰,仲話要將呢次表演嘅《明星》獻俾妹妹 李玟 ,仲話要以自己嘅演繹嚟多謝妹妹一直喺自己身邊,仲回憶Coco細個許下要照顧屋企嘅承諾,更加講到感觸落淚呀。

古淖文獲評判一致畀滿分封冠軍 譚輝智屈到病舞姿成亮點

歌唱選秀節目《中年好聲音2》24號舉行「登峰之戰」總決賽,古淖文憑住佢拿手嘅英文歌《Feeling Good》,獲得所有評判一致畀出20分,以總分99分成為冠軍。古淖文話賽果完全出乎意料,當見到所有評判畀出20分時,嗰種心情真係好震撼。

而屈居亞軍嘅譚輝智唔止無失落,仲大讚古淖文係「值嘅」,而佢自己喺快歌環節嗰首《屈到病》就成為全晚最多人討論嘅亮點,唔擅長跳舞嘅譚輝智,話自己嘅舞姿一定唔會型,所以佢就決定以搞笑風格上場,尹新杰仲以「好得意」嚟形容佢嘅舞步呀!

一直被視為大熱嘅顏米羔,雖然最後成為季軍,但佢都話自己已經心滿意足喇,事關佢話覺得名次對佢嚟講唔重要,最重要係可以爭取機會唱歌。而黃劍文就以些少差距未能晉身三甲,不過對於好朋友台灣歌手張芸京特登飛嚟香港撐場,劍文就覺得好感動,仲話芸京喺音樂呢條路上一直鼓勵自己,兩人仲感動到互相抱抱呀。

至於安雅希、沈宗賢同埋陳俞霏就話行到決賽呢一步,已經心滿意足,幾位仲話經歷長達八個月嘅賽事,終於告一段落,佢哋嘅心情既放鬆又唔捨得。

評審之一嘅伍仲衡,一向比分都好手緊,但決賽夜佢竟然將自己第一個20分比咗古淖文,肥媽都好認同,話古淖文絕對係無可挑剔嘅演出。

決賽夜《中聲》嘅師兄師姐都有嚟觀戰,周吉佩、李佳同羅啟豪都大讚參賽者演出超水準,顏志恒仲話對譚輝智跳嘅《屈到病》非常深刻,劉威煌就講笑話遲啲可能變成廣場舞。對於蔡琴以嘉賓身份現身,就令大家相當驚喜,佢仲獻唱咗經典歌《你的眼神》令樂迷大飽耳福。

決賽夜結束後,一眾粉絲喺電視城門外等候偶像,米羔、輝智仲有劍文更親自出嚟答謝歌迷嘅支持。

 相關推薦

熱門搜尋