有種好男人｜角色剖白 - Ali為追馬神貼身打工 吳偉豪從中作梗怕爭媽咪

TVB時裝愛情電視劇《有種好男人》將於下周一(26號)播出，馬德鐘飾演陽日正，之前做過飛虎隊G4特工，後來陽日正去咗一間保安公司主任，演出時眼神要觀察四周，與徐榮及陳國鋒等要保持隊形，一齊保護「蔣生」張國強，馬德鐘覺得呢個陣營拍出嚟真實感幾強。

楊日正呢個角色為人正直、凡事講規矩，後來遇到活在當下嘅「游子澄」，令佢漸漸學習敞開心扉，李佳芯飾演性格隨心嘅游子澄，佢認識馬德鐘之前完全未試過打工，亦唔需要為錢而愁，直至佢為咗了解呢個男人，加入其保安公司做嘢。

而吳偉豪飾演游子澄兒子苗成林（Woody），Woody跟馬德鐘因誤會相遇，令馬德鐘對Woody存有偏見，後來二人變成朋友，而李佳芯忽然有個咁大嘅阿仔，佢笑言一開始見到吳偉豪：「佢做我個仔，一開始覺得唔好叫我『阿媽』住，之後合作了解多咗，就帶咗好多火花同新鮮感入去套劇。」李佳花今次除咗同馬德鐘有感情線，跟吳建豪亦有一段母子情，用輕鬆搞笑形式去表達。

《有種好男人》12月26號起 星期一至五晚 2030 翡翠台