[直播] 《中年好聲音》聖誕聲Sing送暖活動

[直播]  《中年好聲音》聖誕聲Sing送暖活動

由一班熱愛唱歌人士參與嘅節目《中年好聲音》,經過幾星期嘅比賽之後,戰況越嚟越緊湊喇。呢日趁住平安夜佳節前夕,一班參賽者同聲夢成員Aeren、Rock同火雞佢哋更加走入鬧市,直接喺買禮物嘅大家面前表演,同ENews一齊睇住直播現場聽吓佢哋報佳音啦!

李思林提起李玟難忍傷痛哽咽 直斥以AI令Coco「復活」行為不恰當

二家姐李思林自從妺妹Coco李玟離世後,有一段時間冇現身《中年好聲音》活動,呢日佢同《中聲2》嘅何弘軒出席活動,呼籲大家關注長者精神健康,見二家姐精神唔錯,但面對傳媒再度提起Coco,令二家姐忍唔住哽咽。

李思林話妹妹Coco嘅離世係佢一生人難以走出嘅傷痛,而今年係Coco出道30週年,知道粉絲正籌劃相關紀念活動,如果有需要幫手,佢隨時都好樂意。至於內地有網民以AI技術令Coco「復活」,二家姐指呢個行為好唔恰當,唔希望有人再以此進行商業行為。

講到媽咪高齡超過80,仲要承受白頭人送黑頭人嘅打擊,所以佢有時間會盡量多陪媽咪,尤其媽咪身體機能日漸衰退,所以要多啲耐性同媽咪相處,佢亦呼籲大家除咗關注老人家,都要關注照顧者嘅身心健康。

 相關推薦

熱門搜尋