日前先啱啱為自己首張EP舉行發行派對嘅 雲浩影 呢日又再應邀現身公開活動喇，出道短短幾個月就連推四首作品同EP，下一步照計都係大碟喇，Cloud就話好快就會投入新歌嘅製作工作，早前為師兄鄭伊健擔任紅館個唱嘉賓嘅佢，仲話非常期待會有自己嘅個人演出呀。

雖然聖誕唔少人都會大肆慶祝，不過阿Cloud就認為大節日消費會比平時貴，所以一向都會避開大節目，所以可能會簡單下廚自製聖誕大餐呀。

同場嘅 應智越 早前完成首次個唱，最近就忙住新MV嘅後期工作，亦都為同自中學已經相識嘅老友一齊創作嘅歌曲《雪人》拍MV，自己仲會首次嘗試擔任導演呀。

由王晶擔任製作人的《一舞傾城》，昨晚（6日）播出一集，劇情講到沙律（陳法蓉飾）打扮到靚一靚迎接老公青龍（唐文龍飾）出獄，豈料青龍已偷偷提早回家，並親自下廚為沙律送上驚喜。

事隔多年終於團聚的兩人，一見面即十指緊扣並相擁而泣；在萬國城霸氣十足的沙律在愛郎面前即變小鳥依人，坐老公大髀兼甜蜜錫錫，甜度爆錶。另邊廂，視青龍如親哥哥的志飛（楊明飾），設宴邀請一眾叔父為青龍洗塵，可惜最終只有屠伯（鄭恕峰飾）和麻鷹（李嘉飾）姍姍來遲，二人假惺惺噓寒問暖後便找藉口早走；深感人走茶涼的青龍回家後在沙律懷中落下男兒淚……

法蓉姐受訪時透露與文龍是首次合作，她說：「呢套劇除咗楊明同文凱玲，所有人都係第一次合作。同文龍合作得好愉快，佢係一個好特別嘅演員，好多嘢佢都有自己嘅諗法，大家有商有量，同埋佢有句口頭禪，就係『傳說中嘅陳法蓉』，佢話佢好多朋友都好喜歡我，好羨慕佢可以同我合作演夫妻！」

法蓉姐續指《一舞》賣點是「情」，她說：「除咗我同一班姊妹嘅情，我同文龍嘅一段情都好重要。劇中佢坐咗廿幾年監，後生時冇得同佢好Enjoy咁拍拖，到依家咁上下年紀，佢終於放監出嚟重聚，終於唔使隔住玻璃咁探監，嗰種重逢嘅感覺係好特別。我都有同文龍講，只要將呢種情呈現到出嚟，觀眾就會好鍾意。」

文龍則大讚法蓉姐是女神，他說：「記得第一日開工時，我喺化妝間化緊妝，佢喺後面經過時好Cute咁話：『老公點呀？我哋第一次合作喎。』佢好Nice咁主動破咗冰先，令到我哋更容易互動去演啲甜蜜戲份。」提到與法蓉姐有不少親熱戲份，文龍坦言：「都有啲壓力架，始終佢都係女神，但我哋都好合拍，同埋法蓉都好快投入角色，大家可以好放心咁去發揮。」