大熱劇集電影版日內上映 柯佳嬿自爆長著校服投入角色

大熱台劇《想見你》嘅電影版將會喺聖誕後嘅30號喺台灣正式上映，令唔少劇迷都非常期待，呢日一眾演員 柯佳嬿 許光漢 同 施柏宇 仲有幾位幕後功臣一齊現身宣傳，仲提到上映日子係同劇集有非常大聯繫咁話呀。

劇中穿越嘅感情令唔少觀眾都非常嘆息，不過新片揀喺兵家必爭檔期上映，票房壓力就自然一樣咁大喇，近年唔少演員為催谷票房都會預先講定派福利，不過呢日許光漢就反其道而行，話完全冇諗過，仲話新片如果令大家感動或者睇完滿意，已經係全片工作人員嘅最大鼓勵咁話喇。

柯佳嬿將會喺片中再次扮演高中生，呢日佢就講到自己投入嘅小秘密，仲話返屋企都會著住校服，瞬即令現場同事同傳媒朋友們都有無限聯想笑唔停。雖然佢即刻話自己講笑亂噏，但係就連許光漢都笑埋佢一份，仲被追問老公謝坤達點睇佢嘅造型呀。