大熱台劇《想見你》嘅電影版將會喺聖誕後嘅30號喺台灣正式上映，令唔少劇迷都非常期待，呢日一眾演員 柯佳嬿 許光漢 同 施柏宇 仲有幾位幕後功臣一齊現身宣傳，仲提到上映日子係同劇集有非常大聯繫咁話呀。

劇中穿越嘅感情令唔少觀眾都非常嘆息，不過新片揀喺兵家必爭檔期上映，票房壓力就自然一樣咁大喇，近年唔少演員為催谷票房都會預先講定派福利，不過呢日許光漢就反其道而行，話完全冇諗過，仲話新片如果令大家感動或者睇完滿意，已經係全片工作人員嘅最大鼓勵咁話喇。

柯佳嬿將會喺片中再次扮演高中生，呢日佢就講到自己投入嘅小秘密，仲話返屋企都會著住校服，瞬即令現場同事同傳媒朋友們都有無限聯想笑唔停。雖然佢即刻話自己講笑亂噏，但係就連許光漢都笑埋佢一份，仲被追問老公謝坤達點睇佢嘅造型呀。

早前喺香港為唔少劇演出嘅《帝女花》65周年專業版，7月底將移師澳門舉行一連三場演出。日前主辦單位就邀請各界官員、仲有《帝女花》劇目總監葉家寶、陳善之、導演吳國亮、演員代表李龍、南鳳、白雪紅、王志良同林穎施出席新聞發佈會喇。

《帝女花》65周年專業版，7月底將喺澳門演出3場
 
劇目總監葉家寶指《帝女花》專業版糅合唐滌生舞台版同電影版劇本，增補修訂為160分鐘簡煉版本；希望建構當代劇場新體驗，將加插由唐滌生親自修訂嘅劇本2.0升級版，由電影版本回歸舞台，向澳門觀眾呈獻經典同現代劇場科技融合嘅《帝女花》

新版本邀請唔同年代演員穿梭演繹末代公主同駙馬，以唔同組合，加上大型移動舞台設計、投影設計、燈光設計、音樂重新設計同度身訂造嘅「HCA粵劇和諧音色系統」向觀眾展示與別不同嘅全新舞台感受。