日本藝人群起現身品牌活動 Cocomi水原希子各有佳節計劃

日本人可以話係最有儀式感嘅民族之一，亦都擅於將每一件事同節日大為慶祝，呢日一班藝人齊齊現身品牌活動 當中木村千金 Cocomi 水原希子 同山下智久 都話，已經準備好喺年尾慶祝聖誕同新年嘅來臨喇。

Cocomi雖然會忙住準備演奏會而要綵排，不過佢就話會同樂團成員一齊寓工作於娛樂咁話喇。至於水原希子就話自己會過一個白色聖誕，仲話會宅喺屋企迎接新一年咁話。而型男 山下智久 就話會上網直播同Fans一齊見面度過喎。

藝人明星喺佳節有假放有時真係難過登天，好似呢日有出現嘅 柴咲幸 同 橫濱流星 就因為一早已經安排好工作，呢日佢哋就話好希望有假期可以好好休息充電喇。而橫濱流星仲因為正拍攝拳擊主題嘅新作，所以就令佢攰上加攰喇。吉澤亮 呢日以非常特別嘅西裝打扮現身，佢仲非常風趣咁向現場傳媒朋友解釋一身打扮呀。