輕.功|演員老人中心聖誕宣傳 朱朱Joman約齊老友共聚

輕.功|演員老人中心聖誕宣傳 朱朱Joman約齊老友共聚

劇集《輕.功》嘅一班演員,呢日一齊去到一間老人中心,同一班老友記一齊慶祝聖誕。其中 朱晨麗 同 蔣祖曼 呢對劇內劇外都係好朋友嘅姊妹,就分享今年嘅佳節會點樣度過。雖然Mornng嘅屋企人唔喺香港,不過佢就話已經約好朋友開Party交換禮物喇。而Joman就話今年社交措施放寬,同朋友嘅聚會已經日日排滿到年底喇。

Morning朱最近參演由張家輝自編自導自演嘅新戲,搞到Joman非常羨慕,仲話要去現場探班,朱朱仲話今次同家輝有唔少對手戲呀。

今年係 鄭俊弘 成為Daddy之後嘅第一個聖誕節,阿Fred話日日睇住BB長大感覺非常奇妙,仲話希望再追一胎湊夠好字咁話呀。雖然BB只得半歲大,不過阿Fred已經開始向佢灌輸音樂,仲買埋玩具鋼琴比小朋友玩呀。

講起小朋友,身為媽咪嘅 楊卓娜 就分享咗唔少家長都要面對嘅反叛期問題,仲話囡囡曾經令自己非常頭痛,激到自己不得了呀。

張家輝執導《贖夢》烏甸尼電影節參賽 喜獲國際認可坦認壓力大

由 張家輝 執導同主演;香港電影發展基金 與及 創意香港支持拍攝, 劉俊謙 陳法拉 領銜主演,加上 袁富華 朱晨麗 李凱賢 同 袁綺雯 助陣、 許恩怡  特別演出嘅心理驚慄新片《贖夢》,入圍第26屆意大利 烏甸尼遠東電影節 (Far East Film Festival) 競賽單元,更會於當地舉行全球首映禮。

張家輝執導嘅《贖夢》將參與烏甸尼遠東電影節嘅競賽單元

雖然家輝曾憑過往演出過嘅作品,同執導影片《陀地驅魔人》參展,今次再以導演身份赴意大利參與競賽,家輝就坦言壓力唔細:「今次如果演員身分出席會輕鬆一點,但導演責任比較大,仲需要承擔結果嘅成敗。」

自導自演嘅家輝指,今次除咗開心之外仲有唔少壓力

《贖夢》係繼《陀地驅魔人》後,家輝再有作品參展烏甸尼遠東電影節競賽單元,難掩興奮嘅佢話:「呢個係對《贖夢》嘅尊重同鼓勵,呢部戲仲未上映便就獲得認同,內心非常高興。」

提到新片《贖夢》呢部新片題材,而家輝就指不論任何類型、國籍、性格嘅人都避唔開「夢」呢個元素,無人會完全唔發夢,發夢就如呼吸一樣,人人都需要。《贖夢》以夢境表達兩段悲劇,從而帶出因果報應以及警世作用,家輝仲話:「我最希望觀眾行出戲院時會唔會暗地回想起自己嘅夢、會不會有好多不可告人嘅秘密、唔可以同人分享內心世界,呢個就係我拍呢部戲嘅原意。」

新片有 陳法拉、劉俊謙、朱晨麗等參與演出

家輝指夢境可以帶出自己憂慮,又同時展示出個人壓力。佢又話自己唔係一個經常發夢嘅人,但對夢景抱住一個敬畏嘅心,有時仲覺得夢係自己嘅一個朋友,提醒自己好多事:「今次以夢嚟包裝拍《贖夢》相當開心,但要喺《贖夢》中好全面咁拍出我所認知對夢嘅感受以及環境,其實都未夠空間展示出嚟,如果大家喜歡嘅話,希望有機會再盡情為大家展示。」

家輝指希望繼續有機會同大家展示佢心中嘅夢境故事

 相關推薦

熱門搜尋