2022大事回顧【影視篇】丨港產片下半年發威 多齣電影屢破佳績 TVB綜藝 劇集成績驕人

2022大事回顧【影視篇】丨港產片下半年發威 多齣電影屢破佳績 TVB綜藝 劇集成績驕人

2022大事回顧【影視篇】丨港產片下半年發威 多齣電影屢破佳績 TVB綜藝 劇集成績驕人

2022香港電影業走過高山低谷,港產片再次展翅騰飛,年頭雖然多套賀歲片而押後到中秋檔上映,但隨住防疫措施放寛,下半年推出嘅多套港產片,都得到觀眾大力支持,實行「自己電影自己撐」,令多套電影都票房口碑雙豐收。當中古天樂第兼監製同主演、香港首部科幻電影《明日戰記》,票房更加係屢創新高,成為香港電影史產首部衝破8千萬港元票房嘅亞洲電影,更打入香港電影史上最高票房20強,成績相當驕人。至於黃子華、鄧麗欣等主演嘅喜劇電影《飯戲攻心》,亦成為香港史上第一部票房破7千萬港元嘅港產喜劇。

另一邊廂踏入55周年嘅TVB,喺今年繼續出產多齣高質戲劇周綜藝,無論係古裝喜劇《痞子殿下》定係顯露人性、上流社會爭鬥嘅時裝劇《美麗戰場》,都帶起追劇潮。不過講到最勁嘅,當然係林敏驄嘅處男作《下流上車族》,由於題材貼地中晒升斗市民嘅心聲,所以吸引咗唔少人過自看,全劇最高收視去到27.3,有成177萬人追看。

至於綜藝方面,TVB強勢推出為中年人圓夢嘅《中年樂聲音》,首日就已經吸引咗3千多人面試,熱血又勵志。經典綜藝《獎門人》亦再譽歸來,為觀眾大放笑彈。另外資訊性節目《東張西望》收視亦一度突破30點!

梁思浩主持TVB新台一小時靈異全直播節目 打造穿梭陰陽界版《東張西望》?

TVB新台開台在即,台前幕後都在搞盡腦汁開拓新節目,一新觀眾耳目。而新台頭炮邀請到人稱「村長」的梁思浩,夥拍黃紫恩(Jojo)、黃耀英擔任主持,拍攝以靈異直播為賣點的新節目。還請來一班玄學大師、殯葬業及廟宇界的翹楚組成顧問團,分享業界的奇聞異事。 

早前思浩在電視城參與節目事前會,出席的顧問團人才濟濟,包括︰「警界天師」簡信回、奇門遁甲師傅張芯熏、玄學家周亦謙、玄學家周漢明、風水師皓云師傅、六壬師傅陳法齊、狐仙堂林千博師傅、占卜師羅泳嫻及一班殯葬業及廟宇界的翹楚。當日討論話題廣泛,由靈異事件、古怪殯葬儀式都有提及。單是性交轉運是否真有效、兇宅是否可以買;又有甚麼注意事項,已經夠吸引。更有不少話題性內容,當日張芯熏師傅即場分享塘西(西環)風月場所的古老習俗,話說當年妓寨琵琶仔(雛妓)賣完初夜後,會即時為恩客「帶孝」以示「喪夫」,方便升呢成為「老舉」接客,恩客還可獲得一封利是作為意頭,聽落都好有趣。

節目賣點是會邀請一班久未露面藝人、名人分享靈異經歷。為增加跟觀眾互動,設有「報驚熱線」及「靈異爆片爆相」,歡迎報料提供奇異經歷,即場還有「互動熱線」可以即時表達意見,讓觀眾可以參與其中,有機會贏得由各師傅開光加持的平安符。

正忙於為節目搜集資料的思浩接受訪問時表現雀躍,直言非常期待︰「TVB好耐都冇一小時嘅全直播節目,今次挑戰好大。最好玩係可以同觀眾互動,透過佢哋嘅報料、提供嘅相片,可以百分百同觀眾近距離接觸。」他笑言每次拍攝都會本住TVB精神「全力以赴,做到最好」,務求將節目打造成新台的Icon,再好似《通靈之王》一樣贏得國際獎項。而思浩還有一大心願,就是替觀眾處理「奇難雜症」,他豪言:「想透過節目幫香港市民,解決一啲正常途徑解決唔到嘅『問題』,堪稱穿梭陰陽界版《東張西望》。」

另外,Jojo首次參與靈異節目,最大的準備是吃飽、瞓飽,她笑說:「因為直播節目由下晝開始,一直拍到凌晨,要儲足精神返工。」她透露見證過思浩在網上主持的直播節目,就算去到最後時段,人數依然沒有減少,Jojo期待地表示:「佢嘅channel好多人睇,而且做一個個多小時嘅直播,可以keep到人不斷comment係好高技巧。所以今次可以偷師,睇思浩點樣hold直播節目。」

 相關推薦

熱門搜尋