2022娛樂大事回顧【樂壇篇】丨個唱重臨歌手輪住上台 紅館嚴重事故震驚世界

2022娛樂大事回顧【樂壇篇】丨個唱重臨歌手輪住上台 紅館嚴重事故震驚世界

疫情纏港幾年,唔止街冇得去,飯冇得食、戲冇得睇,更多人齊集嘅演唱會更加係被禁止嘅頭號目標。經過年初嘅大爆發之後,5月起政府開始局部開放表演場地,一向愛睇騷嘅香港人終於可以再次入場喇。

張敬軒率先為先後幾次受影響嘅個唱補場,而陳奕迅亦都喺聖誕同跨年期間,展開原定2019年舉辦,亦係佢事隔9年之後再次喺紅館舉辦嘅演唱會。而修哥胡楓亦都再打破自己創立嘅紀錄,以90之齡成為喺紅館開騷最年長嘅歌手。

除咗佢哋之外,紅館同其他場地亦都接近個個星期有騷開,餓足幾年騷嘅大家荷包大出血之餘,首先都要搶到飛先得嘅。 鄭欣宜、關心妍、衛蘭、馮允謙、林家謙、周國賢、草蜢、鄭伊健、黎明、楊千嬅、林子祥都先後喺唔同場地開騷,而韓國男團Super Junior更成為疫後首隊訪港開騷嘅外國組合。

可惜喺表演業似乎步出寒冬之際,7月MIRROR舉行首次紅館個唱時,懸掛喺舞台上方嘅巨型屏幕因為鋼索斷裂而墜地,事故造成幾位舞蹈員受傷,當中包括仍然臥床留醫嘅李啟言。事故令全世界對表演之都發生嘅嚴重意外嘩然,喺外界多番關注之下,警方早前拘捕涉嫌虛報數據嘅各主辦同制作單位五人。有舞者事後聯署發聲明,希望業界更為關注表演者安全。

汪明荃胡楓蘇永康獻聲 陳淑芬入行50年演唱會星光熠熠

《陳淑芬.星星相識50年.演唱會》日前在澳門圓滿完成,表演嘉賓星光熠熠,汪明荃、胡楓、呂良偉、鍾鎮濤、陳潔靈、莫文蔚、張智霖、陳松伶、謝天華、譚耀文、龍婷及蘇永康等,以及《聲夢傳奇》歌手張馳豪、林智樂、文凱婷、孫漢霖、劉詠彤及劉芷君,一齊唱盡不少經典金曲。

《聲夢》歌手唱《Stand Up》、《H2O》及 《Monica》揭開序幕,然後譚耀文唱電視劇《縱橫四海》主題曲 ,適逢今年係陳太陳淑芬入行50年,3月22號係陳太生日,佢帶領全場觀眾向壽星講生日快樂;龍婷則獻唱鄧麗君曲《我只在乎你》。 

張智霖唱《歲月如歌》、《幾許風雨》,阿姐汪明荃則獻唱《勇敢的中國人》,阿姐好開心參與陳太派對,而胡楓壓軸出場,喺舞蹈員陪同下演繹《情花開》,

陳太感恩此時此刻依然能夠喺演出娛樂行業服務大家,特別請嚟音樂人創作一首歌曲《圓滿人生》,感激半世紀旅途有大家陪伴及信任,成就陳太圓滿人生。

 相關推薦

熱門搜尋