黎諾懿美食節教煮美食 老婆帶大仔臨場打氣Sweet爆

廚藝了得嘅 黎諾懿 聖誕期間現身一個美食節，即場為觀眾示範幾道美食菜色，而太太 李潔瑩 亦都帶埋大仔 小春雞 到場支持Daddy，仲要求諾懿要同觀眾講自己在場呀。諾懿就話小春雞似乎頻傳咗父母嘅表演慾，仲話估計佢大個之後會追隨自己腳步咁話呀。

諾懿仲話小春雞非常聰明，歡迎各大廣告商接洽幫補學費喎。除咗鍾意表演之外，小春雞仲非常有語言天份，身為港普教父嘅諾懿仲話，而家仲幫屋企人翻譯，無論英文定普通話都難佢唔到，仲話佢佢自己嘅小小人肉翻譯機呀。