J2節目同志配對真人騷《仔仔一堂》呢日舉行慈善粉絲見面會，監製王賢誌率領12位參賽者一齊現身，上星期五播出最後一集，仔仔們終於要為愛表態，Ray同Kenny喺節目中成功配對，二人歡度聖誕佳節，Ray收到Kenny送嘅名貴手袋，更甜蜜放閃稱只要係另一半送嘅都鍾意。

王賢誌開心見到Ray同Kenny喺節目中由陌生變成互信互賴嘅戀人，佢笑指因為《仔仔一堂》係一年前拍攝，佢哋要發展地下情，節目又未播出，佢哋要忍住唔公開戀情，王賢誌又指幸好佢哋感情穩定：「我同佢哋講唔可以咁快透露，如果你哋睇咗就冇意思，佢哋忍得好辛苦，好在依家仲喺一齊，如果唔係，我又死畀佢哋睇。」王賢誌再次恭喜Ray同Kenny成功配對，又叫佢哋畀媒人利是。

王賢誌作為節目監製，自嘲似「媽咪」咁勞心勞力，王賢誌投訴仔仔們好難約，有時出席活動又會提佢哋時間地點，但仔仔們卻已讀不回，王賢誌只好逐個打電話去叫大家回覆，仔仔們封佢做「仔仔一堂之母」，王賢誌聞言即大笑，講到第一季口碑收視理想，王賢誌坦言考慮開拍第二季：「要唞一唞先，籌備一輯並唔容易，搵人好難，尤其今次反應咁好，點樣超越第一輯，有咩新點子要從長計議，唔可以太急。」

由王賢誌（Vinci）監製及主持嘅 J2 綜藝真人騷節目《仔仔一堂》，逢周一至五晚十點半 J2（82 台）播映，以「絕不歧視愛情」為中心思想，搵嚟10名外型、學歷及事業等條件不俗嘅仔仔參與拍攝，。

Regen一嚟就捉住Juzco係咁收風，八吓仔仔啲質素點解可以好到咁。Regen全程都心心眼，好搞笑，慘遭「睇低一線」嘅Juzco就笑唔出。

今晚（13日）播出呢集最大亮點就係近年淡出娛樂圈、並喺長洲開餐廳嘅張惠雅（Regen）亂入大讚仔仔質素奇高，事緣10位仔仔去長洲玩camping，按主理人Vinci要求分成五組，每組需於限定時間內完成指定任務，以便進一步了解拍檔。

Regen最心心眼嘅，係187花美男Carson。

製作組呢個「187花美男Carson 」VS「陽光男孩」Juzco好殘忍。

Juzco因各種原因「焗住」與Howard一組，期間到訪好友Regen餐廳，Juzco一現身即遭Regen捉著追問：「我頭先見到有兩個靚仔到不得了！」Juzco聞言即嬲豬，Regen見狀急忙補鑊：「你哋都靚仔，但嗰兩個係Charm到Bomb一聲。好大隻、好白好滑、好高！邊度搵到返嚟架，咁靚仔嘅？！」Regen邊講邊測試Juzco胸肌，場面既混亂又搞笑。

右手邊嘅Andrew同Carson，成功吸引咗Regen嘅目光。Louis同HoHo嘅拉車仔相當小學雞。
據知Regen所指就係擁有187身高嘅花美男Carson，Carson近日喺節目中人氣急升，更突然變成搶手貨，今晚Carson除咗令原本甚為投緣嘅兩大人氣仔仔Andrew及Louis關係起變化之外，意外令Juzco慘遭遺棄。

Louis同HoHo拉車仔時相親相愛，佢哋之前紮營嗰陣鬧晒交。
另一對歡氣冤家HoHo及Louis將會再度爆發罵戰，事緣有感自己對HoHo未夠友善嘅Louis，Camping「良心發現」主動示好，可惜HoHo毫不領情，大感無癮嘅Louis即發晦氣：「嗱！我冇禮貌喇。」HoHo不客氣反擊：「我都冇禮貌，你做乜咁熱情吖？」

HoHo今晚係連環嬲豬，除咗有罵戰，仲有爭奪戰。
之後HoHo更句句寸爆Louis，火藥味濃，不過之後二人又忽然「和解」，Louis更伸出手板任由HoHo拍打！想知LH點解一時糖黐豆、一時水溝油，密切留意今晚播出嘅《仔仔一堂》。
最後搞到主理人Vinci要出手調停。仔仔們昨晚一集兵分三路做義工，第一組係Nelbon、Howard同Kevin。佢哋負責為推廣同志活動派發傳單及給予免費擁抱。Juzco、Kenny、Ray就去咗同志輔導中心聽講座，學習溝通技巧。Carson、HoHo、Andrew齊齊探訪同志長者。Louis亦有份探訪同志長者伍梅。伍伯伯開心share當年如何發現自己性取向，並感嘆當年沒有存在歧視問題。