不正常愛情研究所丨「純純兔」初戀遇暴力男遭推落樓梯兼鍊頸 甩拖避難到長洲

不正常愛情研究所丨「純純兔」初戀遇暴力男遭推落樓梯兼鍊頸 甩拖避難到長洲

J2 (82台)節目今晚(29日)11點播出《不正常愛情研究所》,由J2ers 黃紫恩(Jojo)、吳兆麟(Alan)、胡敏芝(Karen)連同兩位客席嘉賓麥惠琪(Susuca)、文頌男(Koba)主持。今集主題係「再見我的初戀」,搵嚟《CP訓練營》受訓者之一嘅「純純兔」洪靄茵(Eileen)做嘉賓。


今晚(29日)一集《不正常愛情研究所》主題是「初戀」。Eileen同《CP訓練營》另一位受訓者Argus目前穩定發展中。
喺《CP》中Eileen同馮建晞(Argus)成為令人關注嘅一對,所以一來Karen問到二人發展進度,Eileen亦大方回應:「了解緊!」Eileen喺17歲初戀,那時經常到一間coffee shop溫書,久而久之認識咗喺該處打工嘅一名男孩,Eileen指初戀男友大5年,交換咗聯絡,慢慢開始發展戀情,Eileen透露拍拖3年多期間,該名男友曾向佢動過三次手,第一次出手更發生喺接近周年紀念嘅日子,Eileen續指已忘咗對方動手嘅原因,只記得被對方好大力拍腰兼鍊頸,當時對方好快道歉,直認自己有問題,稱「唔好意思,可能太大壓力」,Eileen好天真認為對方知錯並原諒咗男友。


女Jojo透露初戀男友並沒有奪去其初吻。
諗唔到第二次男方出手更狠,被踢爆同其他女仔有曖昧短訊,男友喺爭吵期間惱羞成怒,將Eileen推落樓梯,到男方第三次出手,Eileen終於決定分手,可惜分手過程並唔順利,最後更要避走長洲,Eileen事後總結︰「個男仔情緒起伏好大,自己又第一次拍拖,唔係好識處理呢啲問題。」佢更以過來人身份忠告各姊妹絕對唔能夠接受男方任何暴力行為。


Jojo為第二任男友獻出初吻,並指對方當時想再進一步。Alan因用詞「古老」而成為笑柄。
節目中各主持又提到自己初戀及初吻,Jojo透露初吻獻畀第二任男友︰「因為第一任男友食煙,我同佢講要戒咗煙至可以錫,到分手佢都未戒到。」Jojo又指「初吻」事發地點係喺第二任男友嘅房間,當日對方借意叫佢入房傾偈,越坐越近並成功咀嘴,Jojo續指男方事後意猶未盡︰「有冇啲更加激烈活動去做?」到底Jojo當時點樣回應男友,另外 Karen自爆現任男友係其初戀,對方更試過約會遲到3粒鐘,想知道Karen男友會接受咩大懲罰?今晚記得收睇《不正常愛情研究所》!


Karen話拍拖初期曾試過呆等男友3小時,睇吓佢講起個樣都仲好嬲。
《不正常愛情研究所》逢周四晚上11點 J2 (82台) 播映

不正常愛情研究所丨Koba文頌男化療無效腫瘤變大 感覺開始活得好冇尊嚴

Koba文頌男舊年年尾喺社交平台公開有個惡性腫瘤喺自己嘅椎間近盤骨附近嘅位置,之後要接受第一階段治療。Koba喺3月27號分享病況,佢話做咗五次化療,治療無效,照咗磁力共振,發現個腫瘤仲變大咗少少。直認感覺好無奈嘅Koba指聽到醫生講「個治療冇乜效果、個腫瘤仲要大咗少少,最後一次化療都唔好做喇,準備做電療啦。」嘅時候,心情好似跌咗落深淵。佢真係好驚,感覺距離死亡又近咗一步,而且可能唔係死咁簡單,係會死得好痛苦,因為下肢 、盤骨附近嘅位置係越嚟越痛,痛到開始連嗎啡都冇辦法舒緩到,身體仲會不自覺抽搐,有啲身體部位已經變得麻木,排泄方面都開始出現好多問題(呢部分太羞恥都唔想講太多),我開始有種感覺係「我活得好冇尊嚴」,因為行動不便、痛,每日都係喺屋企對住四埲牆,幾乎零社交、零工作,每日都活得好似好無意義咁。

今晚(28 日)終極篇 7 位主持齊集。

Koba再指自己由細到大都遇到唔同難關同挑戰,就算每次嘅挑戰都越嚟越困難,佢都靠自己一一跨越過,但個天就好似好想佢死咁,唔肯放過佢,唔想畀佢輕鬆。佢又講到就算自己想放棄,但其實根本唔知可以點放棄。因為未死嘅話,佢都只能夠選擇堅持。依家每日都痛、非常痛,無一刻唔痛,每日度日如年,佢亦唔知幾時可以開始電療、幾時先可以舒緩到嘅痛楚,只係盼望可以快啲唔痛。Koba話真係覺得好攰、好攰、真係好攰。

Susuca 想起 Koba 的病況,忍不住喊起來。

Koba亦講到好多癌症病人即使表現得有幾堅強、幾樂觀都好,都會有佢以上類似嘅諗法。但會咁樣諗唔代表佢放棄,Koba話自己仍然好努力對抗呢個病,即使幾唔想食嘢,都逼自己食;即使幾痛都好,都逼自己要郁吓,唔好畀啲肌肉退化得咁勁。佢仍然好熱愛自己嘅拍攝、演出工作。好希望有一日可以康復、行動自如,可以繼續返呢啲工作。

Jojo 祝願 Koba 做到 1,200 集

Koba有份主持嘅《不正常愛情研究所》喺今晚(28號)播出第91集,7位主持濟濟一堂講出做主持嘅感受之餘,喺節目中終極互數對方。《聲夢傳奇2》出身嘅Kim係最後期加入節目嘅主持,佢誇口雖然半途出家,但一直「驚都未驚過」。此話一出即時惹嚟其餘6位主持反擊,有片有真相被翻「黑材料」,回帶片段中見到Kim第一次擔任主持一職時,唔單只講嘢口震震,雙手又顯出非常不安。喺避無可避之下Kim即刻認輸,兼轉風向話︰「係驚嘅,但當時好努力跟住Doniven個flow。」

Doniven、Gillian 以「有故事的人」身份加入成為主持。

呢集每位主持言行都去到好盡,Gillian收到嘅短訊仲露骨「你好靚,真係好靚,靚就贏咗。最記得係Doniven話要食你嘅臭鮑魚……」。原來係出自Kim嘅手筆,佢解釋「臭鮑魚」係指Gillian下廚煮畀大家食嘅鮑魚有臭味。

在「棉花糖女孩」一集製作組為各主持 P 了一輯肥仔肥妹相。

除咗「爆料」,呢集亦有令人感動嘅情景,Susuca同Jojo分別為患病嘅Koba送上祝福,Susuca講到對Koba嘅印象時話「初初識你嗰個月開廠就傾偈,知你又拍拖又分手。有日見到你腰痛不停問你咩事,後來你公布患病消息,咁細個就要經歷咁多嘢,加油快啲好返,做你想做嘅事。」接住佢喺節目中哭成淚人,調轉番要Koba安慰。

Karen 及 Jojo 被翻出中學時期的黑材料。

《不正常愛情研究所》逢周四晚10點J2 (82台)播映

 相關推薦

熱門搜尋