新劇《輕‧功》演員龔慈恩、朱晨麗、蔣祖曼、鄭俊弘及朱敏瀚等，呢日出席宣傳活動，為展現敏捷又靈活嘅身手，即場挑戰攀石，龔慈恩飾演七、八十年代息影當紅女星繆妙，不過劇情講述佢好快離開，最新播出劇情中，出現一位同龔慈恩一樣嘅女性角色，令觀眾相當疑惑。

龔慈恩解釋嗰位係「繆妙」當年嘅專用替身，剛由外地回港，呢個替身出現將發生一啲故事，譬如替身傾慕十一，而鄭俊弘飾演物理治療師，有唔少啪骨同動作場口，鄭俊弘親身上陣演出：「講唔使跳有替身，有威也組，去到就冇！我６歲開始學功夫打蔡李佛拳，之後學埋國粹。」朱敏瀚首次拍湊B戲覺得難度好高，被朱晨麗笑佢雞手鴨腳，從中朱敏瀚亦有學習點樣抱BB，令BB感覺舒服啲。

劇集《法言人》雖然已經休庭大結局，但係觀眾們都好唔捨得劇中班演員，呢日馬國明、張頴康、蔣祖曼、黃嘉樂同趙璧渝等就舉行祝捷會。

馬明同林夏薇呢對「金田CP」深受觀眾歡迎，馬明話劇中唔少浪漫情節都係由薇薇操刀構思，好似劇中佢哋拎熊仔嗰一幕，就係由薇薇加上去。講到現實中馬明同未婚妻湯洛雯都有馬仔同獨角獸公仔，馬明即時甜笑，就話呢個idea係自己諗嘅，仲話呢個做法都幾浪漫呀。

資深演員溫裕紅日前不敵癌魔離世，曾經同對方合作過嘅馬明，表示收到消息都好難過，仲話咁嗰計較咁為後輩好嘅前輩已經越嚟越少，所以大家要好好珍惜呀！

嘉樂同璧渝喺劇中都收成正果，現實中嘉樂就話太太都有捧場睇劇，但就成日問點解劇中佢同璧渝冇嘴戲，嘉樂話太太咁問並唔係呷醋，而係太太好想睇呀！璧渝亦表示黃太有喺社交平台tag自己，佢仲慶幸黃太冇因為咁而呷醋。

而Joman同張頴康就話好期待可以有續集，除咗想睇多啲唔同嘅案件外，仲想睇到佢哋喺劇中湊小朋友嘅戲份呀！