李佳芯吳偉豪挑高難度動作 張國強演風流富豪超搶鏡

李佳芯吳偉豪挑高難度動作 張國強演風流富豪超搶鏡

李佳芯、吳偉豪、徐榮、張國強及陳庭欣等呢日為劇集《有種好男人》宣傳造勢,佢哋喺專業教練指導下,挑戰唔同嘅高難度動作。

飾演母子嘅李佳芯同吳偉豪戲裡戲外都好合拍,李佳芯一聽到要做雙人動作,譬如一字馬、倒豎葱同巴黎鐵塔,佢聽到嗰陣都幾驚,好在有教練指導,李佳芯覺得都OK!吳偉豪講過跟李佳芯演母子似「前世情人」,笑言有時「前世情人」都會做錯嘢得罪阿媽,李佳芯拍完呢套劇笑言後悔冇早啲生小朋友:「早知我早啲生,就有一個咁大嘅仔陪我玩。」

陳庭欣喺劇中大晒美腿色誘馬德鐘:「起初係跟劇本寫去演,但係現場試過係有難度,試咗幾次,睇吓點樣先做到嗰個感覺冇咁假,當然逼男友睇,我阿爸阿媽、Benny、鸚鵡同狗全部都要睇,冇呀!冇回應!我隻腿佢哋都見過。」陳庭欣指12月31號本來準備睇張敬軒演唱會,可惜軒仔病咗,只好等其康復,所以陳庭欣決定留喺屋企倒數。

張國強喺劇中艷福不淺,被封為風流富豪,與不同女性周旋,佢大讚李佳芯演技唔錯,講佢哋喺沙灘欣賞名畫嗰場,呈現到對藝術嘅嚮往,出嚟嘅效果幾浪漫,張國強今次演出跟以往形象截然不同,佢笑言太太評語係「估唔到你可以做到」,希望觀眾都會鍾意。


再見‧枕邊人丨黃智雯毛巾蔽體與羅天宇韓式壁咚 尹詩沛「刀鋸美人」登場另有居心?

播咗二十集嘅TVB劇集《再見‧枕邊人》下周踏入結局周,掀起邊個推顧晴天(黃智雯 Mandy 飾)落懸崖真兇競猜熱潮。男女主角感情線互動亦成為網民焦點,尤其火花兼趣味十足嘅「晴勝CP」深受觀眾喜愛,噚晚(22號) 呢集「晴勝CP」終於上演一場令人臉紅心跳嘅「韓式壁咚」場口,可惜滿滿粉紅氣泡最後遭打斷,長勝(羅天宇飾)最終示愛失敗!

金長勝(羅天宇飾)衝入浴室英雄救美!與晴天(黃智雯飾)上演「韓式壁咚」,睇到令人臉紅心跳!

劇情講述晴天沖涼嗰陣巧遇大廈停電,老鼠「摸黑」出沒,嚇到晴天大叫,長勝聽到即man爆衝入浴室英雄救美,抱住僅以毛巾蔽體嘅晴天到床上,四目交投火花四濺,長勝更除咗外套畀晴天披住,一如既往盡顯紳士風度。長勝原本喺晴天沖涼期間已盤算開口表白,佢決定準備「將錯就錯」,可惜保安叔叔突然登門,令表白計劃暫時受阻。

晴天沖涼慘遇停電際餘,仲被老鼠嚇親!

晴天推開長勝後,長勝發動攻勢欲向晴天表白,點知被保安叔叔打斷。

談及相關場口,Mandy踢爆羅天宇怕醜又緊張:「我知天宇比較怕醜,所以我會主動啲,去令佢安心,唔需要擔心、唔需要 驚。我哋係非常專業,度好晒位去拍呢啲場口,但見到佢面紅耳熱就覺得好搞笑!」

尹詩沛飾演嘅韓晨曦首度登場,神秘現身於志騫(劉宸熙飾)生日會。晨曦對楊萬森(馬德鐘飾)充滿敵意。認為楊萬森就係令晴天失蹤嘅罪魁禍首!

另邊廂千呼萬喚首度登場嘅尹詩沛,喺劇中飾演晴天失憶前好友「韓晨曦」,於長勝安排下以「刀鋸美人」形式現身志騫(劉宸熙飾)生日會,宣戰口脗向楊萬森講:「我返嚟為咗見晴天,為咗唔再畀人傷害佢。」晨曦認定晴天7年前失蹤與萬森有關,更將晴天失蹤前寄畀佢嘅指紋USB物歸原主,晴天發現內裡除咗有 「大細凌生」凌頌恆(張國強飾)及凌振聲 Alex ,(鄭俊弘飾)嘅照片外,仲有一篇小敏(區明妙飾)死訊報道,小敏嘅死明顯跟凌氏兩父子有莫大關係!據知詩沛是次演出甚有突破,足證角色舉足輕重。噚晚原本看似人畜無害嘅晨曦,當見到老公(周志康飾)後,神色一度有異,相當有可疑,到底晨曦係想幫晴天、定係另有居心?
原來當年晴天失蹤前,寄過一隻指紋 USB 畀晨曦保管。裡面存放咗凌姓兩父 子嘅相,同埋小敏一篇報道。晨曦認定晴天七年前失蹤與萬森有關。晴天發現內裡有 「大細凌生」凌頌恆(張國強飾)照片。同時有凌振聲 Alex ,(鄭俊弘飾)的照片。小敏的死明顯跟凌氏兩父子有莫大關係!楊萬森查出小敏原來係長勝妹妹。

 相關推薦

熱門搜尋