輕．功丨繆妙替身登場有輘輷？ 59歲龔慈恩分享「逆齡女神」保養秘訣

TVB台慶劇《輕•功》已播出兩周，最新播出嗰集講劇中消失多時嘅龔慈恩、終以「何索」身份回歸，引發不少事端，原來佢係「繆妙」當年替身，從外地回港，何索主動要求於志威（韋家雄飾）執導嘅電影預告片客串演出，惟志威為難何索，間接令到何索受傷。

龔姐同祥哥舞住比武，睇頭十足。

志威女友嘉嘉（楊卓娜飾）怪責志威，因當年對何索求愛不遂先故意公報私仇，志威以保清白終於揭出與何索不可告人嘅往事！原來當年何索為咗升呢做主角，慫恿心急做導演嘅志威拎《輕功》劇本出去賣，惟後來因事故泡湯，志威從此對何索充滿戒心；另邊廂，何索與十一（黎耀祥飾）無端被記者追訪登上娛樂新聞，十一好友懷疑有人刻意向記者放料。

談到要一人分飾繆妙與何索兩角，龔姐受訪時坦言有難度，為突顯兩個角色嘅唔同，龔姐更花咗不少心思：「繆妙比較溫柔啲，何索就硬朗啲，演呢兩個角色嘅聲線、溫柔度都要有所差別，所以我兩邊要放盡去演，希望觀眾易啲區別。」噚晚嗰集，穿古裝嘅龔姐孖住祥哥比武好有睇頭，龔姐笑言：「拍呢場動作戲冇咩難度，因為同祥哥呢啲咁好嘅演員合作，佢會識得就我嘛！同埋可以着番古裝、吊吓威吔同拍吓動作戲，對於我嚟講好似返番以前嘅Party咁，大家都好玩得好開心。」

志威女友嘉嘉（楊卓娜飾）怪責志威，因當年對何索求愛不遂先故意公報私仇。志威大爆當年被何索出賣，所以對佢充滿戒心。
龔姐被封為「逆齡女神」，被問到保養心得時佢大方分享：「因為工作時間唔穩定，冇咩固定時間做運動，但知道運動係好重要，所以有時間會約朋友行山、小跑，同最近天氣咁好，呼吸多啲新鮮空氣就更加好。另外我比較注重天氣嘅轉變，如果去到比較乾嘅地方，啲皮膚會即刻話畀我知，咁我就會用加濕機Keep住濕度。同埋護膚品好重要，最緊要適合自己嘅膚質、年紀同埋當時嘅天氣。」

十一同何索被記者追訪仲上埋娛樂新聞，成件事好耐人尋味。十一好友懷疑有人刻意向記者放料。