全新飲食節目《做節必食18道菜》呢日舉行記者會，星級大廚黃亞保 (保哥)、三姐蕭秀香同Jacques Kagi (祈積奇)坐鎮，聯同3位嘉賓何廣沛、江嘉敏同何依婷，即場炮製賀年菜，令整個記者會香噴噴！

3位星級大廚今次喺節目化身主持，感覺截然不同，三姐話之前做節目要自己買餸、備料及設計菜式等好多嘢做，反而今次喺節目只係行埋去學嘢，Jacques笑言：「只要準時返工就得，平時要預好多食物，又要買餸，做好多嘢都好大壓力，今次試菜不知幾開心。」

黃亞保從節目當中學到記稿要記重點，反而佢到現場跟廚師打交道了解菜式，埋位拍攝便得心應手。何廣沛、江嘉敏同何依婷喺記者會擔任小助手，但佢哋個個都唔太熟手，三姐大爆何依婷嘅蝦碌事：「何依婷行埋幫手，佢唔知啲嘢係熱，師傅叫住佢，佢都唔記得，佢成個人一跳就跳起，佢係咁話冇嘢冇嘢，就算淥親佢都繼續拍。」

江嘉敏曾為照顧媽咪學煮粥，坦言平時好少煮嘢食，江嘉敏開心稱家人覺得好食，何廣沛反駁：「媽咪真係慘……佢哋真係好演技！」江嘉敏出名為食，最近成日拍飲食節目，搞到體重持續上升，佢要邊食邊keep：「公司不停安排飲食節目畀我，game騷或好好玩嘅騷都未排到我，飲食節目就一定係我個名。」何廣沛笑指健康減肥嘅節目應該搵江嘉敏，應該頗有說服力；而何依婷自認「飲桶」無飯不歡：「第一日拍攝先放飯再試食新春賀年菜，我放飯時食到個肚勁飽，佢哋話我仲食，我唔知係要食咁多嘢，最後條褲唔啱著。」

《流行都市》「睇餸食飯」環節，黃亞保傳授一道「薑蔥砂鍋煀龍躉片」製法。配料繁多，製作甚考功夫，留心看看保哥處理龍躉片的秘訣。

不要看輕蒜頭、乾蔥頭、薑配料對菜式昇華的作用。爆香青蔥頭、蔥尾及其他配料，最後將龍躉片鋪在各樣配料面頭，下調味料後，上蓋煀魚三分鐘，開蓋前，開大火灒酒在蓋邊，香味上碟。