獎門人終極篇丨豹哥玩爭櫈仔唔留情 湯盈盈成豬隊友

獎門人終極篇丨豹哥玩爭櫈仔唔留情 湯盈盈成豬隊友

Happy New Year!元旦日當然要開開心心咁笑住過啦!所以喺1月1日播出嘅呢集《開心無敵獎門人》,將會幫大家延長笑聲,播出1.5小時嘅加長版《開心無敵獎門人 終極篇》,繼續由獎門人曾志偉帶領五位「獎老」 錢嘉樂 、 阮兆祥、 林秀怡 、 程浩駿 同埋 徐文浩擔任主持。

至於今集「終極篇」分成四組嘉賓,個個都係玩得之人,當中「三哥好友隊」就有三哥苗僑偉 、Bosco黃宗澤、黃翠如、Yoyo陳自瑤 同 朱晨麗,「將軍澳街坊福利會隊」嘅 陳山聰 、袁偉豪 、張寶兒 、豹哥單立文 同 豹嫂胡蓓蔚。「獎門人好友隊」就有洪天明、湯盈盈、梁靖琪、吳家樂 同 方力申,而「流行都市隊」就有安德尊、姚嘉妮、朱智賢、譚永浩同焦浩軒。

多人混戰當然係勁混亂啦!喺「爭櫈仔」環節大家已經茅招盡出,當中以豹哥最狼死,他不惜連人帶櫈坐住焦浩軒,搞到獎門人都睇唔過眼大叫:「佢就死喇!」但係豹哥又點會理獎門人嘅勸籲吖!之後佢就向Yoyo埋手,令慘變「人肉櫈仔」嘅Yoyo爭啲被壓到唞唔到氣。

而因為食花生而離座嘅安德尊,櫈仔即時被人佔據,之後安德尊為咗搶返失去咗嘅櫈仔,而經歷咗慘痛嘅「男人最痛」外,仲要同3位猛男三哥、豹哥同天明爭櫈,最終當然演變成肉搏戰,三哥副眼鏡仲被壓爛!

之後「開口中」嘅環節更加係忌廉滿場飛,明明冇爆波嘅「將軍澳街坊福利會隊」同樣成身 Cream,當中天明嘅一對寶貝仔洪大仁(TJ)同洪竟琋(JT),仲亂入混戰兼搗蛋!事緣玩「開口中」爆波嘅天明準備擲骰「定生死」期間,兩個囝囝竟然落場唧 Cream Standby,JT 仲喺爸爸受罰時「落井下石」掟埋一份,TJ 則向在旁幸災樂禍嘅安德尊發動「無定向掟 Cream」 攻勢,得逞之後仲「風速」笑住逃離現場,天明見到即豎起拇指讚好嘢,足證父 子三人相當玩得。

而身為「獎老嫂」嘅湯盈盈就成為老鼠屎,玩「落大閘」嗰陣慢幾拍兼呆企,激到隊友洪天明怒吼,之後「啜乒乓」時盈盈又只係識擘大口發出「含含」聲,最終食白果嘅盈盈仲懶醒向三哥教路,嚇得三哥即時趕走對方,場面搞笑。

豹嫂開金口Cover《傾城》引好友狂Like 與原唱許美靜同被譽可與王菲爭展短

話題劇《婚後事》以 曾比特 翻唱一曲《傾城》,而令外界更為投入主角之間嘅感情糾結纏繞。除咗外界討論原唱歌手 許美靜 受精神問題影響而令人唏噓,歌曲嘅肺腑刻骨亦勾起當年香港樂壇百花齊放嘅回憶,近日同樣90年代出道嘅 豹嫂 胡蓓蔚 亦同樣翻唱致敬。

豹嫂 自細就已經參加唔少音樂比賽,認識方丈 劉以達 後加入樂壇,憑美妙歌聲同技巧曾參與過達哥、林海峰同陳冠希等嘅專輯合唱,早年更有翻版王菲嘅稱號。雖然近年豹嫂較少開金口演唱,不過近日佢就因為 黃翠如 嘅一句說話,而喺社交平台Cover《傾城》呢首經典歌曲,仲獲大班好友比Like讚好, 胡定欣 仲叫豹嫂晚晚開唱,點知就被一句「仲要煮飯架!你唔係唔知呀?」回擊,對話可愛又搞笑。

 相關推薦

熱門搜尋