大佛面前送舊迎新 蕭正楠胡定欣獻唱賀新年

唔少人選擇喺鬧市或者維港兩岸近接新年，而 呂方 蕭正楠 胡定欣 陳貝兒 謝東閔 同 谷婭溦 佢哋就應邀喺大嶼山天壇大佛前，為《福佑香江 同心邁向2023》表演，一齊以平靜心境迎接迎一年嘅來臨喇。

就嚟會開音樂會嘅Edwin同定欣都係第一次喺大佛之前表演，所以佢哋都話感覺非常特別，仲話希望新一年大家都會平安呀。而身邊好友一直都好擔心佢感情生活嘅定欣，呢日就話許願希望自己來年身體健康，Edwin就即刻追問有冇許有關感情事嘅願望，仲話發現有舞者覺得非常唔錯，覺得好適知同佢發展喎。

而3月就會舉行出道40周年演唱會嘅呂方，已經幾年冇開騷就令佢有唔少嘢要好好準備，仲話要Keep Fit迎戰，而太太同寶貝女仲一定會親身捧場咁話呀。而近年拍攝《無窮之路》系列獲得唔少讚譽嘅Janis，就預告會拍新一輯節目，仲會留港過完新年先再出發呀。

Brian同谷婭溦呢晚都有喺現場表演，佢哋仲趁機喺寶蓮寺同大佛行大運，Brian話希望新一年事業順利，仲話好快會有作品同大家見面呀。