相隔九個月再開紅館個唱 欣宜預告會有全新歌單同編排

去年喺樂壇成績亮麗嘅香港歌手Joyce鄭欣宜，嚟緊3月16至18日就會兌現返同樂迷嘅承諾，再喺紅館舉行part 2 演唱會《Believe Us 鄭欣宜演唱會 2023》。

早前演唱會嘅優先訂票火速售罄，不過買唔到飛嘅朋友唔駛擔心，因為門票嚟緊4號早上10點將會喺網上公開發售。對於相隔唔夠一年再開個唱，Joyce話今次嘅演唱會，會係舊年《Between Us 鄭欣宜演唱會》嘅加強版，除咗會有全新嘅歌單之外，仲會加入唔少新構思同演繹方式，Joyce直言到時會將最好嘅表演都放晒喺舞台送畀觀眾，佢仲話自己而家已經非常期待呀！