萬千星輝頒獎典禮｜女配角女飛躍十強鬥美艷 競爭最激烈各有代表佳作

今年入圍《萬千星輝頒獎典禮》女配角，同飛躍進步女藝員嘅十強人馬可以話競爭非常激烈，呢日佢哋分別現身為場刊拍攝靚相，就似乎各出奇謀率先鬥靚喇。其中入圍女飛躍嘅 炎明熹 就話覺得自己影相時有少少唔自然，仲話攝影同事安排嘅一面全身鏡對自己大有幫助呀。

至於大騷長腿嘅「芊芊」 郭柏姸 仲有鬼馬可愛細妹「蔓蔓」 羅毓儀 ，今次姊妹都冇情講要同場較勁，Rosita就話希望可以同阿妹一齊得獎咁話，仲話自己經驗尚淺，有提名已經非常開心喇，而蔓蔓就話寧願得到最佳劇集，同大家一齊分享喜悅喇。

而首次拍劇嘅 JW 喺《痞子殿下》嘅搞笑演出令人印象深刻，但係佢就希望成員得到最佳組合，自己就想得到飛躍作為鼓勵喇。

而「反骨琪」又奸又不孝嘅乞人憎入骨，令 蔣家旻 成為女配角大熱之選，呢日Angel就話連髮型師都叫佢保持形象，繼續令佢以反骨形象同大家見人呀。而 楊卓娜 就話今年用盡自己努力表現，希望大家會滿意呀。

而《鐵拳英雄》打到飛起嘅 姚子羚 就認為係自己一大挑戰同突破喇，至於一樣有唔少挑戰嘅 劉穎鏇 同 陳曉華 就話會以打扮同大家一決高下，至於對獎項就反而隨心喇。

而 戴祖儀 陳嘉慧 同 何依婷 今年都有唔同發揮，不過一對獎項信心就似乎非常謙虛，大家都話對有份入圍已經心滿意足喇喎。