顧嘉煇辭世|[特備節目預告] 紀念香港音樂巨匠 《忘不了的殿堂音樂大師 顧嘉煇先生》

顧嘉煇辭世|[特備節目預告] 紀念香港音樂巨匠 《忘不了的殿堂音樂大師 顧嘉煇先生》

為悼念殿堂音樂大師顧嘉煇先生,無綫今晚將播出特備節目《忘不了的殿堂音樂大師 顧嘉煇先生》,邀請多位樂壇音樂人亮相,分享同煇哥過往合作點滴,節目將喺今晚22:30喺翡翠台直播。

節目主持由區瑞強、朱凱婷擔任,應邀出席嘉賓包括:杜自持、徐日勤、鄭國江、李龍基,彼此暢談同煇哥合作點滴。此外,節目會以電話訪問多位曾同煇哥合作過嘅歌手徐小鳳、葉麗儀、張德蘭、仙杜拉、陳潔靈、雷安娜、葉振棠等,暢談當年軼事。 

原定今晚22:30播映嘅《做節必食18道菜》同 23:05嘅《一念之間》將暫停播映一次。

《愛.回家》譚道德嫁女!陳榮峻收親家聘書超開心 女兒移居新西蘭任護士

陳榮峻憑TVB處境劇《愛.回家之開心速遞》飾演「譚道德」成功入屋,陳榮峻噚日喺IG貼出一張疑似係親家提親嘅聘書,公佈愛女即將結婚呢個喜訊。

陳榮峻兒子頴聰貼出家庭合照。
陳榮峻今日喺IG貼出嫁女相。

聘書見親家大讚陳榮峻女兒頴儀(Jessica),陳榮峻收到親家嘅誠意,表示超開心,感覺女家備受尊重,估唔到今時今日仲有傳統禮儀!
陳榮峻噚日喺IG貼出一張疑似係親家提親嘅聘書。

陳榮峻今日喺IG貼出嫁女相,原來愛女於奧克蘭嘅St. Patrick's Cathedral舉行神聖婚禮,呢間大教堂係奧克蘭市天主教堂,以哥德復興式建築,建立於1841年為奧克蘭最迷人嘅建築之一。

陳榮峻帶愛女進場,佢笑問:「嗰造型似唔似新郎哥。」陳榮峻與吳香倫於2015年拍拖,2018年結婚,陳榮峻仔女亦接受吳香倫呢位繼母。

陳榮峻早年與圈外妻子鄭安麗結婚,育有兩子一女。鄭安麗於2010年因腦溢血離世,陳榮峻難走出喪妻之痛曾欲輕生,幸有好友開解走出陰霾,陳榮峻與吳香倫於2015年拍拖,2018年結婚在四代同堂見證下再為人夫,仔女亦接受吳香倫呢位繼母,陳榮峻曾透露阿女中學時已前往新西蘭留學,目前喺當地任職護士。 
陳榮峻曾透露阿女中學時已前往新西蘭留學,目前喺當地任職護士。

 相關推薦

熱門搜尋